Qazaqstandaǧy Qūryltai sailauy joǧary deŋgeide ūiymdastyryldy, aşyq ärı jariia türde öttı. Būl turaly Qytai Halyq Respublikasynyŋ Almatydaǧy Bas konsuly Su Fansiu Halyqaralyq baqylauşylar men şeteldık BAQ ökılderıne järdemdesu ortalyǧynda ötken brifingte mälımdedı.
Diplomattyŋ aituynşa, halyqaralyq baqylauşylar Almaty qalasynyŋ bırneşe sailau uchaskesın aralap, onyŋ ışınde №204, №361 men №622 uchaskelerıne arnaiy barǧan. Baqylau barysynda olar komissiianyŋ jūmysymen, dauys berudı ūiymdastyru tärtıbımen tanysyp, sailauşylarǧa qandai jaǧdai jasalǧanyn öz közımen körgen. Ol aumaqtyq sailau komissiiasynyŋ ökılderı baqylauşylardyŋ jūmysyna käsıbi türde qoldau körsetıp, barlyq sūraqqa jedel jauap berıp otyrǧanyna täntı bolypty.
«Būl sailaudyŋ barynşa aşyq ärı jariia ötıp jatqanyn atap ötu kerek. Qazaqstan halyqaralyq baqylauşylardyŋ jūmys ısteuı üşın barlyq qajettı jaǧdaidy jasady, dauys beru barysy da qalypty ärı ūiymdasqan türde, eŋ bastysy QR Konstitusiiasy men zaŋnamasyna, sondai-aq halyqaralyq täjıribege tolyq säikes ötıp jatyr», – deidı Su Fansiu.
Bas konsuldyŋ aituynşa, sailau uchaskesınde azamattar erekşe belsendıgımen közge tüsken. Demalys künı bolǧanyna qaramastan, Almaty tūrǧyndary dauys beruge bır kısıdei qatysyp jatyr. Baqylauşylar BAQ ökılderınıŋ belsendılıgıne de köŋıl audardy. Olardyŋ pıkırınşe, būl sailau nauqanynyŋ aşyqtyǧyn qamtamasyz etetın maŋyzdy elementtıŋ bırı eken.
Halyqaralyq missiia sailaudyŋ zaŋdylyǧyna nemese aşyqtyǧyna kümän keltıruge negız bolatyn zaŋ būzuşylyqty tırkemegen.
«Sailau barysyna kümän keltıretın zaŋ būzuşylyqty anyqtaǧan joqpyz. Qytai tarapy qazırgı sailaudyŋ demokratiialyq talaptarǧa tolyq säikes kelgenıne köz jetkızdı. Qazaqstan damudyŋ jaŋa kezeŋıne qadam basqanyna senımdımın», – dep tolyqtyrdy diplomat.
Jurnalisterdıŋ sūraǧyna ün qata otyryp, Su Fansiu Qytaidyŋ strategiialyq serıktesı Qazaqstannyŋ damu barysyn mūqiiat baqylap jürgenın, ekı el arasyndaǧy parlamentaralyq yntymaqtastyqtyŋ odan ärı nyǧaia tüsetının zor senımın bıldırdı.
Sondai-aq, ol zaŋ şyǧaruşy organdarynyŋ maŋyzyna bölek toqtalyp, Qazaqstannyŋ bır palataly parlamenttık jüiege köşuı täjıribesı ekı jaqty bailanysty damytuǧa qosymşa mümkındıkterge jol aşatynyn jetkızdı.
Öz sözın Bas konsul tılekpen tüiındedı. Ol Qazaqstanǧa sailaudy tabysty ötkızıp, elımızdıŋ odan ärı örkendei beruın, ekı memleket arasyndaǧy strategiialyq ärıptestıkke tolaǧai tabys tıledı.
