Memleket basşysy Qasym-Jomart Toqaev bügın, 23 tamyzda Täuelsızdık saraiynda ötken brifingte prosesterdı sifrlandyru aiasyndaǧy jaŋa mındetter turaly aitty. Būl turaly Aqorda jazdy, dep habarlaidy “Adyrna”.
Prezident 2026 jyl Sifrlandyru jäne jasandy intellekt jyly bolyp jariialanǧanyn eske saldy.
"Men būl turaly Joldauymda da aitamyn. Bız sifrlyq memleket qūrudyŋ bırınşı kezeŋınen – sifrlyq qyzmetter körsetetın memleket qalyptastyru kezeŋınen öttık. Basqa eldermen salystyrǧanda ömırımızdıŋ aitarlyqtai jeŋıldegenın özderıŋız de körıp otyrsyzdar. Üiden şyqpai-aq, būryn köp uaqytty qajet etetın, türlı mekemelerge barudy talap etetın jäne taǧy basqa köptegen mäselelerdı şeşe alasyzdar. Sondyqtan sifrlyq servis memleketı – qajettı kezeŋ. Qazır bız ekınşı kezeŋge ötıp jatyrmyz. Men Ükımetke sifrlandyrudyŋ halyqaralyq kelıssözder jürgızu jäne tanystyrylymdar ötkızumen ǧana şekteletın kezeŋınde ūzaq kıdırmei, ärı qarai jyljudy tapsyrdym", – dedı Toqaev.
Onyŋ aituynşa, qazırgı taŋda sifrlandyru men jasandy intellektını elımızdıŋ barlyq azamattarynyŋ igılıgıne paidalanu qajet.
"Qarapaiym tılmen aitqanda, smartfon – jai ǧana oiynşyq emes. Smartfon – TikTok-ty şeksız köruge arnalǧan qūral ǧana emes. Smartfon – aqşa tabudyŋ qūraly. Mäselege osylai qarauymyz kerek. Äsırese būl auyl şaruaşylyǧy öndıruşılerıne qatysty. Olar zamanaui tehnologiialardy öz öŋırlerınen şyqpai-aq, auyldyq jerde tūryp, biznesterın jürgızu üşın paidalanuy kerek jäne paidalana alady. Kelesı kezeŋde Ükımetımız osy mındettı jüzege asyrady", – dep tolyqtyrdy Memleket basşysy.
