Prezident Qasym-Jomart Toqaev Qazaqstannyŋ Reseidegı jaŋadan taǧaiyndalǧan elşısı Däuren Abaevty qabyldady, dep habarlaidy "Adyrna".
Aqordanyŋ habarlauynşa, kezdesu barysynda Memleket basşysy Resei Federasiiasymen strategiialyq serıktestıktı odan ärı nyǧaitudyŋ asa maŋyzdy ekenın atap öttı.
Prezident ekıjaqty qarym-qatynasty damytu jönınde Däuren Abaevqa bırqatar tapsyrma berdı.
Aita keteiık, Abaev būl qyzmetke 3 şıldede taǧaiyndaldy.
Ol būryn Aqparat jäne kommunikasiia ministrı, Mädeniet jäne sport ministrı bolǧan.
Jaŋa elşı osy uaqytqa deiın bırqatar "odaǧai oilarymen" el auzynan tüspei kelgen. Qazaqstan prezidentı äkımşılıgı jetekşısınıŋ bırınşı orynbasary bolǧan kezınde Däuren Abaev qazaqşa söileudı talap etıp jürgen belsendıler äreketın «jabaiy ūltşyldyq» dep atap, kelekelep ülgerdı.
Mūndai sözdı ol «Qazaqstanda orystarǧa jekkörınış bary» turaly aitylǧan Mäskeu mälımdemesınen soŋ aitqan edı. Abaevtyŋ būl aitqanyn qazaq qoǧamy qataŋ synaǧan. Onyŋ Mäskeuge elşı bolyp taǧaiyndalǧany da osy tūrǧydan nazar audartyp otyr.
Abaev mädeniet jäne sport ministrlıgın 2022 jyldyŋ qaŋtarynan 2023 jyldyŋ qaŋtaryna deiın basqarǧan. Būǧan deiın 2020 jyldyŋ mamyr aiynan bastap prezident äkımşılıgı basşysynyŋ bırınşı orynbasary bolǧan, odan būryn, 2016 jyldan bastap Aqparat jäne kommunikasiialar ministrlıgın basqarǧan. Ol sondai-aq Qazaqstan prezidentı qyzmetın atqarǧan kezde Nūrsūltan Nazarbaevtyŋ baspasöz hatşysy (2011-2015) jäne keŋesşısı (2013-2016) boldy.
2023 jyldyŋ nauryzynan bastap Abaev atqaruşy komitetı Belarus astanasy Minsk qalasynda ornalasqan TMD Bas hatşysynyŋ orynbasary qyzmetın atqaryp kelgen.
Ūqsas jaŋalyqtar
