«Energetikalyq jäne kommunaldyq sektorlardy jaŋǧyrtu» Ūlttyq jobasyn jüzege asyruǧa jauapty Premer-ministrdıŋ orynbasary Qanat Bozymbaev aldaǧy jūmystyŋ üş negızgı baǧytyn aiqyndady. Öŋırlerdıŋ basym bölıgı jöndeu jūmystaryna kırısıp kettı.
Degenmen, äkımdıkterge 2026 jyldyŋ jobalaryn erekşe baqylauǧa alyp, jūmystardyŋ belgılengen merzımde aiaqtaluyn qamtamasyz etu tapsyryldy. Sonymen bırge öŋırler qajettı proseduralardy uaqytyly ötkızıp, kelesı qūrylys mausymynda jūmysty üzılıssız bastau üşın 2027 jylǧa arnalǧan jobalardy aldyn ala daiyndauy tiıs.
Tūtynuşylardy esepteu qūraldarymen (eseptegıştermen) qamtamasyz etuge bölek köŋıl bölındı. Tıkelei jauapty ministrlıkterge äkımdıktermen bırlesıp, är öŋırdıŋ qajettılıgın anyqtau jäne 2029 jylǧa deiın eseptegışterdı ornatudyŋ naqty josparyn bekıtu tapsyryldy. Qanat Bozymbaevtyŋ paiymdauynşa, su, jylu jäne elektr energiiasyn tūtynudy tolyq esepke almaiynşa, kommunaldyq salany tolyqqandy sifrlandyruǧa ötu mümkın emes.
Taǧy bır tapsyrma kommunaldyq qyzmetterdı töleu kezındegı tūrǧyn üi kömegıne qatysty boldy. Ony taǧaiyndau räsımın jeŋıldetıp, avtomattandyru josparlanuda. Ol üşın bıryŋǧai esep aiyrysu ortalyqtary memlekettık aqparattyq jüielermen integrasiialanuy tiıs, osylaişa qajettı mälımetter avtomatty türde tüsıp, azamattarǧa qūjattardy qaita jinaudyŋ qajetı bolmaidy.
