«Perm ólkesiniń Ortalyq Azııa ózbekteri qoǵamynyń» jetekshisi Djahongır Djalolov Ýkraınamen soǵysqa qatysý úshin Ámir Temir atyndaǵy batalon qurýdy usyndy, dep habarlaıdy “Adyrna” ulttyq portaly
"Bizdiń balalarymyz balabaqshaǵa barady, mektepterde, joǵary oqý oryndarynda oqıdy. Biz Reseıde turyp, jumys isteımiz. Biz tek jep júrgen nanymyzdy aqtaýǵa mindettimiz. Men eriktiler batalonyn quryp, ony Ámir Temir degen uly esimmen ataýdy usynamyn. Bul Reseıdiń Ýkraınany demılıtarızaııalaý jáne denazııalandyrý boıynsha arnaıy áskerı operaııasyn qoldaý úshin qurylmaq», - dedi Djalolov.
Ol jınalǵandardy ózin qoldap, batalonǵa qosylýǵa shaqyrdy.
Ózbekstannyń Syrtqy eńbek mıgraııasy jónindegi agenttigi bul úndeýge jaýap retinde ózbekter mundaı úndeýlerge erip, soǵys qımyldaryna qatyspaýy kerektigin málimdedi.
Sondaı-aq, olar Ózbekstandaǵy jaldamalylyqtyń qylmystyq áreket ekenin eske saldy. Ózbekter basqa elderdegi shaıqastarǵa qatysqany úshin túrmege jabylady.
Qylmystyq kodekstiń 154-babyna (jaldamashylyq) sáıkes Ózbekstan azamattary shet memlekettiń aýmaǵynda qarýly qaqtyǵystarǵa nemese urys qımyldaryna qatysqany úshin, tipti jaldamalylyq belgileri bolmasa da (qyzmeti úshin aqsha alý) jazalanýy múmkin. Bul quqyq buzýshylyqty jasaǵany úshin bes jyldan on jylǵa deıingi merzimge bas bostandyǵynan aıyrý túrindegi jaýaptylyq kózdelgen.
Bul rette jaldamalyny tartý, oqytý, qarjylandyrý nemese ózge de materıaldyq qamtamasyz etý, sol sııaqty ony qarýly qaqtyǵystarda nemese áskerı is-qımyldarda paıdalaný jeti jyldan on eki jylǵa deıingi merzimge bas bostandyǵynan aıyrýǵa jazalanady.
Vıdeony Telegram arnamyzdan kóre alasyz.
“Adyrna” ulttyq portaly
