Memleket basşysy Qasym-Jomart Toqaev Qyrǧyzstan täuelsızdıgıne 35 jyl toluyna orai prezident Sadyr Japarovqa qūttyqtau jedelhatyn joldady. Būl turaly bügın, 31 tamyzda Aqordanyŋ baspasöz qyzmetı jazdy, dep habarlaidy «Adyrna» tılşısı.
«Būl aituly mereke qyrǧyz halqynyŋ erkındıkke, derbestık pen täuelsızdıkke ūmtylysyn aişyqtaidy. Osy jyldar ışınde Qyrǧyzstan el bolyp eŋse tıkteuden bastap, ornyqty damuǧa deiıngı joldy abyroimen eŋserdı. Memlekettılıktıŋ ırgesın bekıtıp, bai ruhani mūrasyn saqtap qaldy. Halyqaralyq arenada bedeldı elge ainaldy. Būǧan Qyrǧyz Respublikasynyŋ 2027-2028 jyldary BŪŪ Qauıpsızdık Keŋesınıŋ tūraqty emes müşesı bolyp sailanuy jarqyn mysal bola alady»,– dep jazylǧan qūttyqtauda.
Jedelhatta elderımızdı ǧasyrlardan tamyr tartatyn dostyq pen tatu körşılıkke negızdelgen bauyrlastyq qarym-qatynas bailanystyratyny atap ötılgen. Prezident strategiialyq serıktestık pen odaqtastyq qos halyqtyŋ igılıgı jolynda qarqyndy türde nyǧaia beretınıne senım bıldırdı.
Qasym-Jomart Toqaev Sadyr Japarovtyŋ jauapty memlekettık qyzmetıne tabys, al bauyrlas qyrǧyz halqyna qūt-bereke tıledı.
