Qazaqstan Prezidentı Qasym-Jomart Toqaev Bışkekte ötken Şanhai yntymaqtastyq ūiymyna (ŞYŪ) müşe memleketter basşylary keŋesınıŋ otyrysyna qatysty, dep habarlaidy "Adyrna" tılşısı.
Memleket basşysy jiyndy joǧary deŋgeide ūiymdastyrǧany üşın Qyrǧyzstan Prezidentı Sadyr Japarovqa jäne qyrǧyz halqyna alǧys bıldırdı. Sondai-aq Qyrǧyzstan men Özbekstannyŋ täuelsızdıgınıŋ 35 jyldyǧymen qūttyqtady.
Prezidenttıŋ aituynşa, şirek ǧasyr ışınde ŞYŪ Euraziianyŋ ülken bölıgın qamtityn jäne adamzattyŋ jartysyna juyǧyn bırıktıretın yqpaldy halyqaralyq ūiymǧa ainaldy.
Prezident Qasym-Jomart Toqaev qazırgı halyqaralyq jaǧdaiǧa da toqtaldy. Onyŋ pıkırınşe, älemde yntymaqtastyqtan görı bölınu, özara tüsınıstıkten görı geosaiasi bäsekelestık küşeiıp keledı.
«Bırıguden görı jıkke bölınu, yntymaqtastyq nietınen görı geosaiasi baqtalastyq basym tüsıp, müddeler teŋgerımın ızdeudıŋ ornyna arazdyq örşıp barady. Özara senımge selkeu tüstı», – dedı Prezident.
Memleket basşysy osy jaǧdaida ŞYŪ-nyŋ maŋyzy arta tüsetının atap öttı. Onyŋ sözınşe, ūiym äskeri-saiasi blok retınde äreket etpeidı jäne qandai da bır memleketke qarsy baǧyttalmaǧan.
Prezident ŞYŪ qyzmetınıŋ negızınde egemendıktı qūrmetteu, ışkı ısterge aralaspau, özara senım, aşyqtyq pen yntymaqtastyq qaǧidattary jatqanyn aitty.
«Bızdıŋ basty maqsatymyz – quatty ärı örkendegen ŞYŪ qoǧamdastyǧyn qūru», – dedı Memleket basşysy.
