Mūhtar Tıleuberdı Qazaqstannyŋ jaŋa Syrtqy ıster ministrı bolyp taǧaiyndaldy. Aqorda taratqan aqparatqa sai, tiıstı Jarlyqqa Memleket basşysy Qasym-Jomart Toqaev qol qoidy, dep habarlaidy “Alyrna”.
"Memleket basşysynyŋ Jarlyǧymen Mūhtar Beskenūly Tıleuberdı Qazaqstan Respublikasynyŋ Syrtqy ıster ministrı bolyp taǧaiyndaldy, ol būrynǧy atqarǧan lauazymynan bosatyldy", – dep jazylǧan resmi aqparatta.
Mūhtar Beskenūly 1968 jylǧy 30 mausymda tuylǧan. S.M. Kirov atyndaǧy Qazaq memlekettık universitetınıŋ filosofiia-ekonomika fakultetın bıtırgen, M.V.Lomonosov atyndaǧy Mäskeu memlekettık universitetı janyndaǧy Aziia jäne Afrika institutynda jäne Iense Universitetı (Korei Respublikasy) janyndaǧy Tılder institutynda täjıribe alǧan. Oqudy aiaqtaǧannan keiın Äl-Farabi atyndaǧy QazŪU-dıŋ filosofiia tarihy jäne qytai filologiiasy kafedralarynda jūmys ıstegen.
Diplomatiialyq qyzmetın 1993 jyly attaşe lauazymynan bastady. Ortalyq apparattaǧy jūmys barysynda Aziia elderı basqarmasynyŋ üşınşı hatşysy, Aziia departamentınıŋ bırınşı hatşysy, Ekıjaqty yntymaqtastyq departamentınıŋ bölım bastyǧy qyzmetterın atqardy.
Şetelde Qazaqstannyŋ Korei Respublikasyndaǧy Elşılıgınde ekınşı hatşy jäne İzrail Memleketındegı Elşılıgınde keŋesşı bolyp jūmys ıstedı. QR Prezidentınıŋ Äkımşılıgınde Memlekettık hatşynyŋ syrtqy saiasat mäseleler jönındegı keŋesşısı lauazymynda jūmys ıstedı.
2003 jyly Syrtqy ıster vise-ministrı bolyp taǧaiyndaldy.
2004 jyly elımızdıŋ Malaiziiadaǧy Elşısı jäne 2005 jyldan bastap İndoneziia Respublikasy, Brunei Darussalam jäne Filippin Respublikasyndaǧy Elşısı qyzmetın qosa atqardy.
2009 jyly Qazaqstannyŋ Şveisariia Konfederasiiasyndaǧy Elşısı bolyp taǧaiyndaldy jäne Lihtenştein Kniazdıgı men Vatikan Memleketınde Elşı qyzmetın qosa atqardy, sonymen qatar Jenevadaǧy BŪŪ Bölımşesınde jäne basqa da halyqaralyq ūiymdarda Qazaqstan Respublikasynyŋ Tūraqty ökılı boldy.
2015 jyly Qazaqstannyŋ İerusalimdık Äulie İoann Egemendı Äskeri Gospitalerler Ordenı janyndaǧy, Rodostaǧy jäne Maltadaǧy qosa atqaruşy Elşısı bolyp akkredittelgen.
2016-2019 jyldary QR Syrtqy ıster ministrınıŋ Bırınşı orynbasary bolǧan.
2019 jylǧy qyrküiek aiynda QR Syrtqy ıster ministrı lauazymyna taǧaiyndalǧan.
Qazaqstannyŋ Austriiadaǧy Elşısı bolyp taǧaiyndalǧanǧa deiın 2021 jylǧy qaŋtardan bastap 2023 jylǧy säuır aralyǧynda QR Premer-Ministrınıŋ orynbasary – Syrtqy ıster ministrı qyzmetın atqarǧan.
Tötenşe jäne Ökılettı Elşı diplomatiialyq därejesıne ie. Aǧylşyn, korei tılderın meŋgergen.
