Qazaqstanda poiyz biletterın satu tärtıbı özgeruı yqtimal. Jaŋa jüie engızılgen jaǧdaida bır kupege tek er adamdar nemese tek äielder bilet satyp ala alady. Būl ūsynysty Threads äleumettık jelısındegı qazaqstandyq qoldanuşy köterdı.
Onyŋ aituynşa, Türkiiada bır kupedegı oryndar erler men äielderge aralas satylmaidy.
«Eger kupedegı oryndy bırınşı bolyp er adam satyp alsa, keiın sol kupege tek er adamdar ǧana bilet ala alady. Al alǧaşqy oryndy äiel adam taŋdasa, qalǧan oryndar äielderge ǧana ūsynylady. Nelıkten mūndai jüienı Qazaqstanda da engızbeske?» — dep jazdy qoldanuşy.
Jazbaǧa «Qazaqstan temır joly» ŪK» AQ ökılderı jauap berdı. Kompaniia būl ūsynys qazırgı uaqytta mamandar tarapynan zerttelıp jatqanyn habarlady.
«Būl jüienı qazır mamandarymyz zerttep jatyr. Keiın ony engızu mäselesı qarastyrylady», – delıngen QTJ jauabynda.
Sonymen qatar kompaniia Qazaqstanda äiel jolauşylarǧa arnalǧan qyzmettıŋ qazırdıŋ özınde bar ekenın atap öttı. Ūlttyq tasymaldauşy negızgı baǧyttarda «äielder vagony» qyzmetın ıske qosqan.
Osylaişa, bolaşaqta poiyz kupelerınde jolauşylardy jynysyna qarai bölek ornalastyru jüiesı engızıluı mümkın. Alaida äzırge būl tek ūsynys retınde qarastyrylyp jatyr, naqty şeşım qabyldanǧan joq.
