Resei men Ukraina arasyndaǧy qaqtyǧys Ukrainaǧa künıne şamamen 450 million dollar şyǧyn äkeledı, dep habarlaidy "Adyrna".
Būl turaly Ukraina SIM Andrei Sibiga aitty.
Ministrdıŋ sözınşe, qazır Kiev pen Mäskeu arasyndaǧy beibıt kelıssözder üderısınde aitarlyqtai ılgerıleu joq.
Ministr Ukraina soǧysty toqtatuǧa daiyn ekenın jäne şartsyz bıtımge keludı qoldaitynyn aitty. Kiev qazırgı maidan şebınde atysty toqtatudy ūsynǧan.
Sondai-aq Ukraina prezidentter deŋgeiınde kezdesu ötkızuge daiyn ekenın mälımdedı. Ministrdıŋ sözınşe, soǧysty toqtatuda diplomatiialyq küş-jıgerdı arttyru qajet.
Sonymen bırge Kiev Ukraina aumaqtyq tūtastyǧyna nūqsan keltıretın kez kelgen ūsynysty qabyldamaitynyn atap öttı.
Ministr Sibiga jaqyn uaqytta AQŞ prezidentınıŋ arnaiy ökılderı Ukrainaǧa keletının habarlady. Onyŋ aituynşa, amerikalyq tarap Ukrainaǧa jaŋa ūsynystar paketın ūsynǧan. Qazır Kiev būl bastamalardy AQŞ ökılderımen bırge talqylap jatyr.
«Ukraina beibıtşılıkke qol jetkızu üşın barlyq mümkındıktı paidalanuda», – dedı Andrei Sibiga.
