Foto: RİA Novosti
Ukraina prezidentı Vladimir Zelenskii AQŞ prezidentı Donald Tramppen kezdesuden keiın Kievtıŋ Reseimen energetikalyq nysandarǧa jasalatyn şabuyldardy toqtatuǧa baǧyttalǧan bıtımge daiyn ekenın mälımdedı, dep habarlaidy "Adyrna".
Zelenskiidıŋ aituynşa, Ukraina Reseidıŋ energetikalyq infraqūrylymyna soqqy berudı toqtatuǧa daiyn, eger Mäskeu de Ukraina energetikasyna şabuyl jasaudy toqtatsa. Onyŋ sözınşe, AQŞ Ukraina tarapynan ūsynylǧan energetikalyq bıtım bastamasyn Reseige jetkızedı.
Ukraina prezidentı Tramppen kezdesu kezınde Kievtıŋ mūnai öŋdeu zauyttary men basqa da energetikalyq nysandarǧa jasaityn şabuyldaryn bırjaqty toqtatuy turaly talap qoiylmaǧanyn atap öttı.
Zelenskii beibıt kelıssözderge Qytai töraǧasy Si Szinpindı de qatystyrudy ūsyndy. Onyŋ pıkırınşe, Reseidıŋ kelıssözderge qanşalyqty daiyn ekenı belgısız bolǧandyqtan, Mäskeuge yqpal etu üşın AQŞ, Europa jäne Qytaidyŋ bırlesken qatysuy maŋyzdy.
Zelenskii Vladimir Putinmen kezdesuge «kez kelgen uaqytta» daiyn ekenın taǧy mälımdedı. Ol AQŞ prezidentı Donald Tramp üşjaqty kezdesu ūiymdastyra alady dep sanaidy. Mūndai formatta Ukraina, Resei jäne AQŞ basşylary soǧysty toqtatuǧa qatysty negızgı mäselelerdı talqylai alady.
Ukraina prezidentı qaqtyǧysty tarihi sebeptermen tüsındırudı de synǧa aldy.
Kezdesu barysynda Ukraina aumaǧynda amerikalyq Patriot äue şabuylyna qarsy qorǧanys jüielerın öndıru mäselesı de talqylanǧan.
Zelenskiidıŋ aituynşa, amerikalyq Raytheon kompaniiasy mūndai jobaǧa qatysuǧa daiyn. Alaida öndırıstı bastau üşın AQŞ tarapynan tiıstı lisenziialar qajet. Ukraina prezidentı Tramptan lisenziia beru prosesın jedeldetudı sūraǧanyn jäne amerikalyq prezidenttıŋ būl bastamaǧa oŋ közqaras tanytqanyn aitty.
Zelenskiidıŋ baǧalauynşa, Ukrainada Patriot jüielerın öndırudı ıske qosuǧa şamamen bır jyldan bır jarym jylǧa deiın uaqyt ketuı mümkın.
Al Ukrainaǧa qosymşa Patriot ūstaǧyş zymyrandaryn jetkızu mäselesıne qatysty Zelenskii naqty şeşım qabyldanbaǧanyn aitty.
«Eşkım "joq" degen joq, bıraq men naqty jauap ala almadym», – dedı ol.
Resei prezidentı Vladimir Putin turaly pıkır bıldırgen Zelenskii Resei basşylyǧy soǧys barysyn qoǧamyna tüsındıru qajettılıgıne tap bolyp otyr dep mälımdedı.
Ol Resei armiiasynyŋ Ukraina aumaǧyndaǧy şyǧyny men soǧysqa jūmsalyp jatqan resurstaryn atap ötıp, Resei qoǧamyna soǧystyŋ maqsatyn tüsındıru mäselesın köterdı.
«Bır million adam basqa eldıŋ aumaǧynda maidanda jürgende jäne olardyŋ myŋdaǧany ai saiyn qaza tauyp jatqanda, eger eşqandai jeŋıs bolmasa, mūnyŋ ne üşın bolyp jatqanyn halyqqa qalai tüsındıruge bolady?» – dedı Ukraina prezidentı.
