Energetika ministrlıgı Kaspii qūbyr konsorsiumynyŋ (KQK) nysandaryna jasalǧan dron şabuylyna qatysty tüsınıkteme berdı, dep habarlaidy «Adyrna» tılşısı.
Oqiǧa 8 qyrküiekte KQK terminalynyŋ maŋynda bolǧan.
« №1 jäne №3 qaşyqtan tieu qūrylǧylaryna tieu operasiialary uaqytşa toqtatyldy. KQK-nyŋ jük tieu jüielerı men tankerlerdıŋ jaǧdaiyna qajettı tekseruler jürgızılgennen keiın tieu jūmystaryn jalǧastyruǧa kedergı keltıretın eşqandai aqau anyqtalǧan joq. Qorşaǧan ortaǧa da ziian kelmegen»,– delıngen habarlamada.
Tekserısten keiın jük tieu operasiialary qaita jandanǧan. Ministrlık qazaqstandyq jük jöneltuşılerden mūnai qabyldauǧa eşqandai şekteu engızılmegenın erekşe atap öttı.
Būǧan deiın Energetika ministrlıgı Kaspii qūbyr konsorsiumyna jasalǧan şabuyldardyŋ saldarynan Qazaqstannyŋ 2026 jylǧa josparlanǧan mūnai öndıru kölemı 98 million tonnadan 96 million tonnaǧa deiın tüzetılgenın habarlaǧan bolatyn.
