«Ksell» AQ (Kcell jäne activ brendterı) 2026 jylǧy jazǧy mausymda Qazaqstannyŋ tanymal turistık baǧyttaryndaǧy jelı jūmysynyŋ nätijelerın qorytyndylady.
Mausym aldynda jäne onyŋ barysynda kompaniia kurorttyq aimaqtarda, avtojoldar boiynda jäne jaz mezgılınde ūialy jelıge tüsetın jükteme kürt artatyn oryndarda 4G men 5G jelılerın küşeittı.
Eldegı turizm salasy ösıp keledı. Ūlttyq statistika biurosynyŋ mälımetınşe, 2026 jyldyŋ alǧaşqy jartysynda Qazaqstandaǧy qonaqüiler, demalys bazalary jäne basqa da turistık nysandar qyzmetın 4,77 million adam paidalanǧan.
Ūialy jelı üşın turistık baǧyttardyŋ basty erekşelıgı – jyl ışınde jüktemenıŋ kürt özgeruı. Ädette bırneşe myŋ adam bolatyn oryndarda mausym qyzǧan şaqta paidalanuşylar sany bırneşe ese artady. Soǧan säikes ūialy internet tūtynu kölemı de ūlǧaiady: turister navigasiiany, messendjerler men äleumettık jelılerdı paidalanady, foto jäne beinematerialdar jükteidı, beineqoŋyrau şalady ärı internettı basqa qūrylǧylarǧa taratady.
Sondyqtan turistık mausymǧa daiyndyq barysynda Kcell qamtu aumaǧyn keŋeitıp qana qoimai, jükteme artatyn oryndarda jelınıŋ ötkızu qabıletın de arttyrady.
Soltüstık
Eldegı eŋ tanymal turistık baǧyttardyŋ bırı – Şuchinsk-Burabai kurorttyq aimaǧy. Ūlttyq statistika biurosynyŋ deregıne säikes, 2026 jyldyŋ alǧaşqy toqsanynda ǧana būl öŋırge 116,7 myŋ adam barǧan.
Şuchinsk qalasynda 700 MGs diapazonynda jūmys ısteitın 5G tehnologiiasyndaǧy ekı bazalyq stansiia qyzmet körsetedı. Tömen jiılık signaldyŋ keŋ aumaqqa taraluyna mümkındık beredı. Būl äsırese kurorttyq aimaqtar men qaladan tys aumaqtar üşın maŋyzdy.
Kompaniia elımızdıŋ soltüstıgındegı negızgı turistık baǧyttardyŋ bırı – Astana men Burabai arasyndaǧy joldaǧy bailanys sapasyn da jaqsartyp jatyr. 2026 jyldyŋ qazan aiynyŋ soŋyna deiın būl baǧytta 4G qamtuyn keŋeitudıŋ kezektı jūmystary jüzege asyrylady.
Oŋtüstık jäne tauly öŋırler
Elımızdegı turistık aimaqtardyŋ ışınde eŋ ülken bölıgı Almaty tau klasterıne tiesılı. Ūlttyq statistika biurosynyŋ mälımetınşe, 2026 jyldyŋ bırınşı toqsanynda 509,3 myŋ adam barǧan.
Bügınde Kcell jäne activ-tıŋ 5G jelısı Medeu men Şymbūlaqta qoljetımdı. Bailanys teŋız deŋgeiınen 3 myŋ metrden astam biıktıkte de jūmys ısteidı. Mäselen, Şymbūlaq tau şaŋǧysy kurortynyŋ eŋ joǧarǧy nüktesı şamamen 3180 metr biıktıkte ornalasqan.
Oi-Qaraǧaida üş bailanys nysany jūmys ısteidı: olardyŋ bıreuı 5G, ekeuı 4G tehnologiiasyn qoldaidy. Sondai-aq 4G jelısı Aqbūlaqta, Türgende jäne Butakovkada qoljetımdı.
Kcell jäne activ-tıŋ 4G jelısı Kölsai kölderı aumaǧynda jäne Saty auylynda da jūmys ısteidı. Būl bailanys infraqūrylymyn damytu tūrǧysynan kürdelı öŋırlerdıŋ bırı, öitkenı Kölsai kölderı jüiesı teŋız deŋgeiınen 2850 metrge deiıngı biıktıkte ornalasqan.
5G jelısı Qonaev qalasy men Qapşaǧai su qoimasynyŋ jaǧalauynda da qoljetımdı. Sondai-aq Qazaqstannyŋ oŋtüstıgındegı basty turistık ortalyqtardyŋ bırı Türkıstanda da joǧary jyldamdyqty 5G qyzmetı jūmys ıstep tūr.
Kelesı kezeŋde kompaniia Almaty – Qonaev jäne Almaty – Şaryn – Kölsai baǧyttaryndaǧy bailanysty odan ärı küşeitudı josparlap otyr.
Alaida şalǧai turistık oryndarda sapaly bailanysty qamtamasyz etu üşın tek telekommunikasiialyq jabdyq ornatu jetkılıksız. Mysaly, Qaiyŋdy kölı maŋynda jaŋa bailanys nysanyn salu üşın jer telımın anyqtap, elektr quatymen qamtamasyz etu jäne derekterdı tasymaldau jelısıne qosu qajet. Mūndai jobalardy jüzege asyru üşın operatordyŋ, jergılıktı atqaruşy organdardyŋ jäne infraqūrylymdyq ūiymdardyŋ bırlesken jūmysy kerek. Elektr quaty, daiyn alaŋ nemese qajettı infraqūrylym bolmaǧan jaǧdaida bazalyq stansiiany tek operatordyŋ küşımen salu mümkın emes.
Qaiyŋdy kölı maŋyndaǧy bailanys jelısın damytu jobasy jol kartasyna engızılgen jäne investormen bırlesıp jüzege asyrylady.
Batys
Eldıŋ batysynda operator Kaspii teŋızı jaǧalauynda jäne Maŋǧystau oblysynyŋ negızgı turistık baǧyttarynda jelını damytyp keledı. Ūlttyq statistika biurosynyŋ mälımetınşe, 2026 jyldyŋ bırınşı toqsanynda Maŋǧystau kurorttyq aimaǧyna 53,3 myŋ adam kelgen. Aqtauda Kcell jäne activ-tıŋ 5G jelısı jūmys ısteidı. Al Kendırlı men Fort-Şevchenkoda abonentterge 4G qoljetımdı. Aqtau – Kendırlı baǧytynda kompaniia turistık aǧynnyŋ ösuı men kurorttyq aimaqtyŋ ärı qarai damuyn eskere otyryp, qoldanystaǧy bailanys nysandarynyŋ mümkındıkterın keŋeitudı jalǧastyryp jatyr.
Şyǧys
Jazǧy mausymdaǧy eŋ belsendı baǧyttardyŋ bırı – Alaköl. Qazırgı taŋda Kcell jäne activ-tıŋ 4G jelısı Aqşi, Qabanbai jäne Jarbūlaq auyldarynda qoljetımdı. Mausym barysynda kompaniia ösıp kele jatqan jüktemenı eskere otyryp, qoldanystaǧy jelını oŋtailandyryp, küşeitu jūmystaryn jürgızdı. Kelesı kezeŋde Köktūma aumaǧyndaǧy qamtu aimaǧyn keŋeitu jäne Qonaev – Taldyqorǧan – Alaköl baǧyty boiynşa 4G jäne 5G jelılerınıŋ mümkındıkterın arttyru josparlanǧan. 4G bailanysy Balqaş kölınıŋ maŋynda da qoljetımdı. Būl ışkı turizmnıŋ taǧy bır sūranysqa ie baǧyty sanalady.
«Qazaqstan – aumaǧy ırı memleket, al eŋ körıktı oryndarymyzdyŋ köbı ırı qalalardan şalǧaida ornalasqan: tau, dala, köl jaǧasynda jäne Kaspii teŋızı maŋynda. Bız qazaqstandyq kompaniia bolǧandyqtan, zamanaui tehnologiialardyŋ tek megapolis tūrǧyndaryna ǧana emes, bükıl el azamattaryna qoljetımdı bolǧanyn qalaimyz. Abonentterımız Burabaida, Alakölde, Kaspii jaǧalauynda nemese Almaty taularyndaǧy üş myŋ metrden astam biıktıkte bolsa da ärdaiym bailanysta boluy tiıs. Būl jerde ortaq täsıl qajet: operator jelıge investisiia saluǧa jäne ony damytuǧa daiyn, al eŋ şalǧai nüktelerde bailanys paida boluy üşın eŋ aldymen elektr quaty men daiyn infraqūrylym qajet. Mūndai mındetterdı öŋırlermen bırlese şeşken äldeqaida tiımdı», – dedı «Ksell» AQ basqarma töraǧasy Asqar Jambakin.
Turistık mausym aiaqtalǧanymen, jelını damytu jūmystary toqtamaidy. Jaz boiy jinalǧan jükteme turaly derekter kompaniianyŋ jelını jaŋǧyrtu baǧdarlamasyn qalyptastyru kezınde paidalanylady.
Kelesı mındet – tek turistık nysandardyŋ özınde ǧana emes, olardy bailanystyratyn baǧyttarda da bailanysty damytu. Būǧan avtomobil joldary, demalys aimaqtaryna aparatyn joldar jäne turistık aǧyn ötetın şaǧyn eldı mekender kıredı.
Jobalardyŋ bır bölıgı 2026-2027 jyldarǧa josparlanǧan. Qoldanystaǧy nysandarda kompaniia jelı syiymdylyǧyn arttyryp, jabdyqtardy jaŋǧyrtady. Al qamtu deŋgeiı jetkılıksız aumaqtarda qajettı infraqūrylym daiyn bolǧan saiyn jaŋa bailanys nysandary salynady.
