Astanada mysyrlyq trevel-bloger Ahmed Haggagovich tüsırgen videoǧa bailanysty polisiia qyzmetkerlerıne qatysty qyzmettık tekseru bastaldy, dep habarlaidy "Adyrna" ūlttyq portaly.
Būl turaly elorda polisiia departamentınıŋ baspasöz qyzmetı aitty.
Äleumettık jelıde taraǧan video «Han Şatyr» sauda-oiyn-sauyq ortalyǧynyŋ maŋynda tüsırılgen. Kadrlarda bloger ekı polisiia qyzmetkerımen bırge bi qimyldaryn jasaǧan. Sondai-aq ol qyzmetkerlerdıŋ bırın köterıp, ainaldyrǧan.
Bloger beinerolikke qazaqstandyq polisiia qyzmetkerlerınıŋ sūlulyǧy men meiırımdılıgın atap, jazba qaldyrǧan.
Alaida videoǧa qatysty pıkır bıldırgen keibır qazaqstandyqtar polisiia qyzmetkerlerınıŋ mūndai äreketın orynsyz dep baǧalaǧan. Olardyŋ aituynşa, qyzdar video tüsırılgen kezde qyzmettık mındetterın atqaryp jürgen.
Osyǧan bailanysty Astana qalasynyŋ Polisiia departamentı qyzmettık tekseru bastaǧan.
«Onyŋ nätijesı boiynşa qyzmetkerlerdıŋ äreketıne qūqyqtyq baǧa berıledı. Qajet bolǧan jaǧdaida tärtıptık sipattaǧy şaralar qabyldanady», – dedı vedomstvonyŋ baspasöz qyzmetı.
