Aqmola oblysynyŋ Jarqaiyŋ audanynda auyldyq eldı mekenderge bılıktı mamandar tartu jäne olardy tūraqtandyru baǧytynda «Diplommen auylǧa!» memlekettık baǧdarlamasy jüzege asyryluda, dep habarlaidy Adyrna.kz tılşısı.
Jarqaiyŋ audany äkımdıgınıŋ mälımetınşe, baǧdarlama 2009 jyldan berı ıske asyrylyp keledı. Onyŋ negızgı maqsaty - auyldyq jerlerge qajettı mamandardy tartu, olardyŋ eŋbek etuıne jäne tūruyna jaǧdai jasau, sondai-aq kadrlardyŋ auylda tūraqtap qaluyna qoldau körsetu. Baǧdarlama aiasynda bılım beru, densaulyq saqtau, mädeniet, veterinariia jäne basqa da salalardyŋ mamandaryna äleumettık qoldau körsetılıp keledı.
«Auyldyŋ tūraqty damuy eŋ aldymen bılıktı kadrlarǧa bailanysty. Sondyqtan mamandardy auylǧa tartumen qatar, olardyŋ äleumettık jaǧdaiyn jaqsartuǧa, tūrǧyn üi mäselesın şeşuge jäne tūraqty eŋbek etuıne mümkındık jasau maŋyzdy. «Diplommen auylǧa!» baǧdarlamasy osy mındetterdı jüzege asyruǧa baǧyttalǧan tiımdı tetıkterdıŋ bırı», - dep tüsındırdı audan äkımdıgınen.
2009-2025 jyldary audan boiynşa 28 maman tūrǧyn üi satyp aluǧa nemese saluǧa biudjettık kredit alǧan. Olardyŋ 24-ı bılım beru, ekeuı densaulyq saqtau, bıreuı mädeniet jäne bıreuı veterinariia salasynyŋ mamany.
Osy kezeŋde 287 maman köterme järdemaqymen qamtyldy. Onyŋ ışınde 239-y bılım beru, 26-sy densaulyq saqtau, 8-ı mädeniet, 7-euı veterinariia salasynyŋ qyzmetkerlerı jäne 7 memlekettık qyzmetşı bar.
Baǧdarlama aiasynda mamandarǧa ekı negızgı qoldau şarasy qarastyrylǧan. Bırınşısı - 100 ailyq eseptık körsetkış kölemındegı köterme järdemaqy. 2026 jyly onyŋ mölşerı 432 500 teŋgenı qūraidy.
Ekınşı qoldau şarasy - tūrǧyn üi satyp aluǧa nemese saluǧa arnalǧan biudjettık kredit. Kredittıŋ eŋ joǧary mölşerı 2 000 ailyq eseptık körsetkışke deiın nemese 2026 jyly 8 million 650 myŋ teŋgenı qūraidy. Qaryz 15 jylǧa deiıngı merzımge jyldyq 1 paiyzdyq mölşerlememen berıledı.
Tūrǧyn üi boiynşa memlekettık qyzmet «Otbasy bank» AQ-nyŋ «Baspana Market» jyljymaityn mülık portaly arqyly körsetıledı.
Mamandar äleumettık qoldau şaralaryn auyldyq eldı mekenge kelgen jäne tırkelgen künnen bastap üş jyl ışınde aluǧa ötınış beruı qajet.
2026 jyly Jarqaiyŋ audanynda baǧdarlamany ıske asyruǧa jergılıktı biudjetten qajettı qarajat qarastyrylǧan. Tūrǧyn üi satyp aluǧa nemese saluǧa bır mamanǧa biudjettık kredit beru üşın 8,65 million teŋge bölındı. Sonymen qatar 10 mamanǧa köterme järdemaqy töleuge 4,325 million teŋge qarastyrylǧan.
Biyl köterme järdemaqyny 10 maman aldy. Olardyŋ beseuı - bılım beru, ekeuı - densaulyq saqtau salasynyŋ qyzmetkerlerı. Sondai-aq bır memlekettık qyzmetşı jäne agroönerkäsıp keşenınıŋ ekı mamany qoldauǧa ie boldy.
Qazan aiynda Kostychevo auylynda eŋbek etetın matematika pänınıŋ mūǧalımıne tūrǧyn üi satyp aluǧa biudjettık kredit beru josparlanyp otyr.
Audan äkımdıgınen atap ötkendei, memlekettık qoldau şaralary turaly aqparattandyru jäne tüsındıru jūmystary da tūraqty jürgızıledı. Būl rette halyqty jūmyspen qamtu, eŋbek qauıpsızdıgın saqtau, eŋbek adamynyŋ märtebesın arttyru, käsıbi baǧdar beru jäne sūranysqa ie mamandyqtar boiynşa kadr daiarlau mäselelerıne basymdyq berıledı.
Sonymen qatar halyqtyŋ tabysyn arttyruǧa baǧyttalǧan 2029 jylǧa deiıngı baǧdarlama, «Keleşek» bıryŋǧai erıktı jinaqtau jüiesı jäne eŋbek naryǧyna qajettı jaŋa mamandyqtar boiynşa kadr daiarlaudyŋ jaŋa täsılderı jönınde tüsındıru jūmystary jürgızıledı.
Audan äkımdıgı būl baǧyttaǧy jūmystyŋ negızgı maqsaty auyl tūrǧyndarynyŋ jūmyspen qamtyluyn arttyrumen qatar, eldı mekenderdegı kadr äleuetın nyǧaityp, mamandardyŋ auylda tūraqtap qaluyna jaǧdai jasau ekenın atap öttı.
Foto: Jarqaiyŋ audany äkımdıgınen.
