Aqordada Vise-Prezident Erlan Qarinnıŋ töraǧalyǧymen ideologiialyq keŋestıŋ kezektı otyrysy öttı, dep habarlaidy “Adyrna”.
Jiynǧa Prezident Äkımşılıgınıŋ qūrylymdyq bölımşelerı men äleumettık-mädeni jäne aqparattyq bloktarǧa jetekşılık etetın ortalyq memlekettık organdardyŋ basşylary qatysty.
Otyrysta ışkı saiasattyŋ qazırgı kün tärtıbı talqylanyp, aldaǧy negızgı ıs-şaralarǧa, sonyŋ ışınde Eŋbek künıne daiyndyq barysy qaraldy.
Erlan Qarin eŋbekqorlyq pen örkendeu ideologiiasyn ılgerıletu baǧytyndaǧy jūmysty jalǧastyru qajettıgın atap öttı.
«Aqparattyq keŋıstıkte eŋbek adamdarynyŋ jetıstıkterı men ömır jolyn tūraqty türde nasihattap, olardyŋ eldıŋ damuyna qosyp otyrǧan ülesın körsetu maŋyzdy. Sondai-aq otandyq IT-jobalar men startaptardyŋ jetıstıkterıne, jaŋa sifrlyq tehnologiialardyŋ engızıluıne nazar audaru qajet», – dedı ol.
Vise-Prezidenttıŋ aituynşa, būl jūmys jekelegen ıs-şaralarmen şektelmei, tūraqty ärı jüielı türde jürgızıluı tiıs.
Keŋes qorytyndysy boiynşa jauapty memlekettık organdarǧa ışkı saiasattyŋ özektı mäselelerıne qatysty naqty tapsyrmalar berıldı.
