Jetısu oblysynda «Taza Qazaqstan» jalpyūlttyq baǧdarlamasy aiasynda Düniejüzılık tazalyq künıne orai ūiymdastyrylǧan ekologiialyq şaralarǧa öŋırdıŋ şamamen 50 myŋ tūrǧyny qatysty.
Ekologiialyq aksiialardyŋ qorytyndysynda 9500 köşet otyrǧyzylyp, 3 myŋ tonna qoqys jinalyp, şyǧarylǧan. Taldyqorǧan qalasyndaǧy «Jastar» parkın tazalau men köşetter otyrǧyzuǧa oblys äkımı Beibıt İsabaev qatysty.
«Jastar» parkındegı ekologiialyq şaraǧa memlekettık organdar, ūiymdar men käsıporyndardyŋ, qoǧamdyq bırlestıkterdıŋ ökılderı, käsıpkerler, jastar men volonterler belsene qatysty. Senbılık aiasynda parktıŋ aumaǧy tazartylyp, 100 japyraqty aǧaş otyrǧyzyldy. Atap ötsek, sol künı Taldyqorǧanda barlyǧy 1000 köşet egıldı.
- Prezidenttıŋ bastamasymen qolǧa alynǧan «Taza Qazaqstan» jalpyūlttyq baǧdarlamasynyŋ aiasynda eldı mekenderdı abattandyru, kögaldandyru jūmystaryn jüielı atqaryp kelemız. Soŋǧy ekı jyldan berı tek aǧaş otyrǧyzumen şektelmei, Taldyqorǧanda «Jastar» saiabaǧy, Qarataldyŋ jaǧalauy, «Jeŋıs», «Ardagerler» parkterı abattandyryp, barlyǧynyŋ suaru jüiesı qaita jasaluda. Jalpy alǧanda oblystyŋ barlyq audan-qalalaryndaǧy parkter men skverlerdı retke keltırıp jatyrmyz. Keŋ maǧynasynda alǧanda, «Taza Qazaqstan» baǧdarlamasynyŋ maqsaty tek tabiǧattyŋ tazalyǧy, saiabaqtardy abattandyru, aǧaş otyrǧyzu ǧana emes, adamnyŋ jan düniesınıŋ tazalyǧy, sanasynyŋ jaŋǧyruyna qol jetkızu. Ūjymdar, aulalar, köşe tūrǧyndary – barlyǧy bırıgıp öz maŋaiyn körkeituge belsene atsalysyp jatyr, bız mūndai belsendı azamattardy ärdaiym yntalandyramyz, qoldaimyz. Būl – qoǧamnyŋ jaŋaruy, - dedı oblys äkımı Beibıt İsabaev.
Senbılıkke qatysuşylar öz pıkırlerın bıldırdı:
- Aǧaş neǧūrlym köp bolsa, aua soǧūrlym taza bolady. Sondyqtan mūndai şaralarǧa qatysu maŋyzdy dep sanaimyn. Aǧaş otyrǧyzu, olarǧa kütım jasau, tazalyqty saqtau özımız üşın kerek. Bärı özımızden bastalady, sondyqtan är adam üles qosuy tiıs. Ainalamyz taza, jasyl jelek bolsa, jan-düniemız tynyş bolady. Barşaŋyzdy qorşaǧan ortaǧa, tuǧan tabiǧatqa jauapkerşılıkpen qarauǧa şaqyramyn. Taldyqorǧanymyz güldegıp, körkeie bersın, - dedı jas ekovolonter Aiajan Nūrahmetova.
Taldyqorǧan qalasynyŋ tūrǧyny Janar Bolatqyzy da osyndai pıkırde:
- Qalada jastardyŋ ekologiialyq jobalarǧa qatysqanyna quanamyz. Qalanyŋ aumaqtaryn bärımız bırge retke keltıremız. Bız jai ǧana tazalap qana qoimai, qalamyzdyŋ ekologiialyq jaǧdaiyn jaqsartuǧa üles qosyp jatyrmyz. Tazalyq pen tärtıptı är azamat saqtasa, qalamyz äldeqaida taza ärı jaily bolady, - degen ol jerlesterın türlı ekologiialyq şaralarǧa belsendı qatysuǧa şaqyrdy.
Atap ötsek, biyldan bastap öŋırde qorşaǧan ortany qorǧau jäne ekologiialyq mädeniettı qalyptastyru aiasynda 181 şara ūiymdastyrylyp, oǧan 180 myŋnan astam adam qatysty. Sonyŋ nätijesınde 68 myŋ köşet egıldı, 15 myŋ tonna qoqys şyǧaryldy.
