Foto: Jİ
Qazaqstanda qaza bolǧan jäne zardap şekken sarbazdardyŋ otbasyna kömek körsetu üşın qarajat jinau resmi türde aiaqtaldy, dep habarlaidy "Adyrna".
Būl turaly Qazaqstan Halyq Keŋesınıŋ müşesı, Maŋǧystau oblysy qoǧamdyq keŋesınıŋ töraǧasy Bekmūrat Jüsıpov aitty.
Ol Memleket basşysy Qasym-Jomart Toqaevtyŋ tapsyrmasymen qūrylǧan arnaiy qordyŋ jūmysyna baqylau jasaityn komissiiany basqarady.
Bekmūrat Jüsıpovtıŋ aituynşa, qazırgı uaqytta qorda qajettı kölemde qarajat jinaqtalǧan. Qarajat jinauǧa «Qazaqstan Halyq Keŋesınıŋ» müşelerı, Qūryltai deputattary, saiasi partiialardyŋ ökılderı, käsıpkerler, mesenattar jäne elımızdıŋ tükpır-tükpırındegı azamattar atsalysqan.
Komissiia töraǧasy jinalǧan qarajattyŋ qaza bolǧan äskeri qyzmetşılerdıŋ otbasylary men zardap şekkender arasynda ädıl bölınetının aitty. Onyŋ sözınşe, qarajatty bölu jäne töleu prosesınıŋ aşyqtyǧyn komissiia qūramyndaǧy memlekettık jäne qūqyq qorǧau organdarynyŋ ökılderı baqylaidy.
Aldaǧy uaqytta qor jūmysynyŋ barysy men qarjylai kömektı töleu kezeŋderı turaly qoǧamǧa tūraqty türde aqparat berılıp otyrady.
«Qarjylai kömek jaqynynan aiyrylǧandardyŋ qaiǧysyn jeŋıldete almaitynyn tüsınemız. Degenmen osyndai qiyn sätte otbasylarǧa jan-jaqty qoldau körsetu – bızdıŋ mındetımız. Sızder būl qaiǧymen jalǧyz qalmaisyzdar», – dedı Bekmūrat Jüsıpov.
