Foto: Bauyrjan Qaraǧyzūly
Alǧaşqy täuelsız parlamenttıŋ gazetı bolǧan «Halyq Keŋesı» araǧa otyz jylǧa juyq uaqyt salyp qaita jaryq kördı, dep habarlaidy "Adyrna" ūlttyq portaly.
Basylym 1990 jyldyŋ köktemınde Joǧarǧy Keŋestıŋ resmi ünjariiasy retınde alǧaş ret jaryqqa şyqqan. Egemendık qalyptasqan kezeŋde gazet memleket pen qoǧam arasyndaǧy pıkır almasu alaŋy retınde qyzmet etken.
Basylymda Sarbas Aqtaev, Jūmabek Kenjalin, Marat Toqaşbaev syndy belgılı jurnalister eŋbek etken.
Gazettı Jūmabek Kenjalin basqarǧan kezde Respublika boiynşa aldyŋǧy qatardaǧy basylymǧa ainalǧan. Alaida 1996 jyldyŋ basynda Parlamenttıŋ qos palataly jüiege köşuıne bailanysty gazet şyǧuyn toqtatqan.
Araǧa jyldar salyp, qaita jaryq körgen «Halyq Keŋesı» gazetınde eldegı qoǧamdyq-saiasi özgerısterdı saraptauǧa, azamattardyŋ pıkırlerı men bastamalary jariialanady. Sonymen qatar Qazaqstan Halyq keŋesınıŋ jūmysy, öŋırlerdegı mäslihattar men qoǧamdyq ūiymdardyŋ qyzmetı de basylymnyŋ negızgı taqyryptarynyŋ bırı bolady.
Bügınde «Halyq Keŋesı» respublikalyq qoǧamdyq-saiasi gazet jäne halyq-kenesi.kz derbes aqparat agenttıgı retınde jūmys ısteidı.
Basylym dästürlı qaǧaz nūsqasymen qatar elektrondy aqparattyq portal retınde de jūmysyn bastady.
