Abai oblysyna jūmys saparymen Qazaqstan Halyq Keŋesınıŋ müşesı Nūrtai Sabilianov pen Qūryltai deputaty Airat Bazenov bastaǧan delegasiia keldı. Sapar aiasynda qonaqtar öŋır jastary, studentter jäne pedagogter qauymdastyǧymen bırqatar kezdesu ötkızıp, Memleket basşysynyŋ Joldauynyŋ negızgı baǧyttaryn tüsındırıp, ony jüzege asyrudyŋ naqty qadamdaryn talqylady.
Jūmys saparynyŋ alǧaşqy aialdamasy Şäkärım universitetı boldy. Mūnda student jastar men professor-oqytuşylar qūramy qatysqan aşyq dialog öttı.
Kezdesudı aşqan «Şäkärım universitetı» KeAQ basqarma töraǧasy Duman Orynbekov Qazaqstan halqyna arnalǧan jaŋa Joldauǧa qatysty qoǧamdyq talqylaudyŋ strategiialyq maŋyzyn atap öttı.
«Bız Prezident Joldauynyŋ negızgı baǧyttaryn jan-jaqty talqylap, özektı mäseleler boiynşa pıkır almasu üşın jinaldyq. Bügıngı kezdesuge Qūryltai deputaty Airat Bazenov pen Qazaqstan Halyq Keŋesınıŋ müşesı Nūrtai Sabilianov kelıp otyr. Aldaǧy uaqytta qazaqstandyq jastar üşın qandai jaŋa perspektivalar men mümkındıkter aşylatynyn, sonyŋ ışınde mansaptyq jäne käsıbi damu mäselelerın talqylaimyz», – dedı Duman Orynbekov.
Öŋırdı damytu taqyrybyn jalǧastyrǧan Qazaqstan Halyq Keŋesınıŋ müşesı Nūrtai Sabilianov Memleket basşysynyŋ infraqūrylymdyq bastamalaryna toqtalyp, olardyŋ öŋır tūrǧyndary üşın maŋyzyn atap öttı.
«Memleket basşysy öz Joldauynda infraqūrylymdy damytuǧa erekşe nazar audardy. Semei qalasynda joldardyŋ jai-küiı, tūrǧyn üimen qamtamasyz etu, sondai-aq su jäne jylumen üzdıksız qamtamasyz etu mäselelerı älı de özektı. Osyǧan bailanysty Prezident mūndai mäselelerdı keşendı şeşu üşın Ūlttyq qordan 6,5 trillion teŋge bölu jönınde tapsyrma berdı», – dedı Nūrtai Sabilianov.
Al Qūryltai deputaty Airat Bazenov jasandy intellekt tehnologiialaryn damytu men sifrlandyru mäselelerıne nazar audaryp, būl baǧyttardyŋ jas mamandar üşın ülken mümkındıkterge jol aşatynyn atap öttı.
Sonymen qatar kezdesuge qatysuşylar jastardyŋ käsıbi damuy, kadr daiarlau sapasyn arttyru jäne olardyŋ öŋırdıŋ qoǧamdyq ömırıne belsendı aralasuy mäselelerın talqylady. Memleket basşysy alǧa qoiǧan negızgı mındetterdıŋ bırı – ekonomikanyŋ naqty sūranysyna sai bılıktı mamandar daiarlau ekenı aityldy.
Erkın pıkır almasu barysynda studentter özderın tolǧandyrǧan sūraqtaryn qoiyp, naqty ūsynystaryn ortaǧa saldy. Delegasiia ökılderı aitylǧan pıkırler men ūsynystar jinaqtalyp, tiıstı memlekettık organdardyŋ qarauyna joldanatynyn jetkızdı.
Būdan keiın delegasiia Semei qalasyndaǧy Biznes jäne servis kolledjıne baryp, oqu ornynyŋ äkımşılıgımen jäne pedagogikalyq ūjymymen kezdestı.
Qazırgı qoǧamdaǧy mūǧalımnıŋ rölı men bılım beru salasyn qoldauǧa baǧyttalǧan jüielı şaralar turaly söz qozǧaǧan Nūrtai Sabilianov pedagogterdıŋ el bolaşaǧyndaǧy maŋyzdy rölın atap öttı.
«Memleket basşysy öz Joldauynda bılım beru salasyna erekşe nazar audardy. Osy baǧytta bırqatar naqty tapsyrmalar berıldı. Qazaqstanda mūǧalımderdıŋ qūqyqtaryn qorǧauǧa baǧyttalǧan «Pedagog märtebesı turaly» zaŋ qoldanysta. Degenmen bılım beru salasynda qaǧazbastylyq pen pedagogterdı özderıne tän emes jūmystarǧa tartu mäselelerı älı de bar. Mūndai jaǧdailardy tolyq boldyrmau üşın zaŋnamany jetıldırıp, mūǧalımderdıŋ qūqyqtaryn qorǧau baǧytyndaǧy jūmysty jüielı türde jalǧastyru qajet. Pedagog märtebesı qoǧamda erekşe oryn aluy tiıs. Öitkenı balalarymyzdyŋ bılım sapasy tıkelei mūǧalımderdıŋ eŋbegıne bailanysty», – dedı Nūrtai Sabilianov.
Otandyq bılım beru jüiesın jaŋǧyrtu taqyrybyn jalǧastyrǧan Airat Bazenov inkliuzivtı bılım berudı jüienıŋ damu deŋgeiın körsetetın maŋyzdy baǧyttardyŋ bırı retınde atap öttı.
«Prezident 2026 jylǧy 10 qazanǧa deiın pedagogterdıŋ ar-namysy men qadır-qasietın qūrmetteu jäne qorǧau mäselelerı boiynşa keşendı ūsynystar äzırleudı tapsyrdy. Mūny asa maŋyzdy qoldau şarasy dep sanaimyn. Bügınde elımızde 7 millionǧa juyq bala men oquşy bar. Būl – halyqtyŋ üşten bırıne juyǧy. Sonymen qatar inkliuzivtı jäne arnaiy bılım berudı qajet etetın balalardyŋ sany jyl saiyn artyp keledı. Qazır olardyŋ sany şamamen 237 myŋǧa jettı. Memleket är balanyŋ kedergısız bılım aluyna, qūrdastarymen bırge oquyna jäne jeke qajettılıkterıne säikes qajettı qoldau aluyna jaǧdai jasauy tiıs», – dep tüiındedı Airat Bazenov.
Talqylau qorytyndysy boiynşa pedagogter qauymdastyǧynyŋ ökılderı de öz pıkırlerımen bölıstı.
«Joldauda aitylǧan pedagogterdı qoldau jäne bılım beru jüiesıne erekşe nazar audaru şaralary bızge erteŋgı künge senım ūialatady. Mūǧalım märtebesın qorǧau, artyq eseptılıkten aryltu jäne inkliuzivtı ortany damytu mäselelerınıŋ Prezidenttıŋ jeke baqylauynda boluy bız üşın öte maŋyzdy. Būl pedagogterge öz jūmysyn sapaly ärı jauapkerşılıkpen jalǧastyruǧa jıger beredı», – dedı pedagogter.
