Foto: Agibai Aiapbergenov / Kazinform
Astanada AI kömegımen jasalǧan filmderdıŋ halyqaralyq festivalı bastaldy. 1 qazanda Astana AI Film Festival-dıŋ alǧaşqy künı ötıp, finalǧa joldama alǧan jūmystardyŋ jabyq körsetılımı ūiymdastyryldy.
Zalǧa jinalǧan körermender ekrannan AQŞ, Kanada, İtaliia, Oŋtüstık Koreia, Qytai jäne Qazaqstan avtorlarynyŋ jūmystaryn tamaşalady. Bırneşe film körermennıŋ erekşe qyzyǧuşylyǧyn tudyrsa, keibır tuyndylar körsetılımnen keiın qyzu talqylandy. Öitkenı būl joly ekrandaǧy kadrlardyŋ artynda jasandy intellekt tūr.
Festivalge älemnıŋ 125 elınen 8 myŋnan astam ötınım tüsken. Sonyŋ ışınen 25 jūmys finalǧa öttı. Olardyŋ arasynda ekı qazaqstandyq avtordyŋ tuyndysy bar.
Festivaldıŋ teŋ qūryltaişysy ärı keŋes töraǧasy Almas Jali qazaqstandyq avtorlardyŋ jūmystary şeteldık finalisterden kem tüspeitının aitty.
«125 elden qatysuşylar qatysty. Solardyŋ arasynan 25 jūmysty ırıktep aldyq. Sol 25 jūmystyŋ ışınde ekı qazaqstandyq jıgıttıŋ jūmysy bar. Ekeuı de öte jaqsy jūmys jasady. Olar bızge kelgen qonaqtarmen bäsekege äbden tüse alady», – dedı Almas Jali.
Onyŋ aituynşa, finalǧa ötken jūmystardyŋ basym bölıgınde ärtürlı AI-modelder qoldanylǧan. Sonyŋ ışınde Seedance 2.5 modelı de jiı paidalanylǧan.
«Negızınen AI modelder öte köp. Bızdıŋ jūmystarymyzdyŋ şamamen 80 paiyzy Seedance 2.5-ke jasalǧan. Ol – qytailyq ByteDance kompaniiasynyŋ modelı. Öte jaqsy jūmystar jasalǧan», – dedı ol.
Körsetılım aiaqtalǧannan keiın zaldaǧy körermenderdıŋ äserı de bırden baiqaldy. Bırı körgen tuyndysyn talqylap jatsa, endı bırı jasandy intellekt arqyly mūndai filmderdı jasauǧa bolatynyna taŋdanysyn bıldırdı. Äsırese qazaqstandyq avtorlardyŋ jūmystary körermen nazarynan tys qalmady.
Al festivaldıŋ özı mūnymen aiaqtalǧan joq. 2 jäne 3 qazan künderı finaldyq baǧdarlama jalǧasyp, körermender finalisterdıŋ jūmystaryn MEGA Silk Way-degı Chaplin kinoteatrynan tamaşalai alady. 3 qazanda festivaldıŋ jeŋımpazdary jariialanady.
