Şymkentte qala tūrǧyndary men qonaqtaryna erekşe köŋıl-küi syilaǧan auqymdy gastronomiialyq festival öttı.
«Visit Shymkent» turistık aqparattyq ortalyǧy ūiymdastyrǧan «Street Food Fest» şarasy Etno-auyl keşenınıŋ aumaǧynda ötıp, qaladaǧy taǧam industriiasynyŋ üzdık ökılderın bır alaŋǧa jinady.
Festivaldıŋ maqsaty – zamanaui köşe taǧamdary mädenietın damytu, jergılıktı käsıpkerlerdıŋ önımderın keŋınen tanystyru jäne Şymkenttıŋ gastronomiialyq ärı turistık äleuetın körsetu. Sonymen bırge, şara qala tūrǧyndaryna otbasymen, dostarymen bırge uaqyt ötkızıp, türlı taǧamdardan däm tatyp, muzyka tyŋdap, köŋıl köteruge mümkındık berdı.
Festival aiasynda arnaiy gastronomiialyq alaŋ ūiymdastyrylyp, oǧan Şymkenttegı 40 üzdık fud-lokasiia qatysty. Keluşıler türlı taǧamdardan däm tatyp, özderıne ūnaǧan oryndarmen tanysty. Bır jerde ystyq taǧamdar äzırlense, endı bır jerde tättıler men susyndardyŋ tür-türı ūsynyldy. Sondyqtan festival aumaǧynda adam qarasy da azaimai, şara bastalǧannan soŋ-aq qyzu atmosfera qalyptasty.
Qala tūrǧyndarynyŋ bırı Gülnaz Muslimova festivalden alǧan äserımen bölıstı.
– Bügın qalamyzda osyndai keremet festival ötıp jatqanyna quanyştymyz. Kelıp, jaqsy äser alyp jatyrmyz. Köşe taǧamdarynyŋ bırneşe türınen däm tatyp kördık. Barlyǧy qyzyqty ūiymdastyrylǧan. Mūnda tek tamaqtanyp qana qoimai, türlı oiyndarǧa qatysyp, äuen tyŋdap, köŋıl köteruge bolady. Dostarymyzben bırge jaqsy uaqyt ötkızıp jatyrmyz. Osyndai şaralar jiı ūiymdastyrylsa, qala tūrǧyndary üşın de, qonaqtar üşın de jaqsy bolar edı, – dedı qala tūrǧyny.
Şaranyŋ eŋ erekşe ärı köpşılıktıŋ qyzyǧuşylyǧyn tudyrǧan sätterınıŋ bırı – kölemı men salmaǧy jaǧynan auqymdy hot-dog daiyndau boldy. Būl bastama Qazaqstannyŋ rekordtar kıtabyna enu maqsatynda ūiymdastyryldy.
«Visit Shymkent» turistık aqparattyq ortalyǧynyŋ direktory Zamanbek Orynbekov festivaldıŋ basty erekşelıkterınıŋ bırı osy rekordtyq hot-dog daiyndau ekenın atap öttı.
– Biylǧy festivaldı erekşe formatta ötkızudı maqsat ettık. Onyŋ bır erekşelıgı – Qazaqstannyŋ rekordtar kıtabyna enuge talpynys jasap, eŋ ülken hot-dog daiyndau. Būl jai ǧana kölemdı taǧam äzırleu emes, festivaldıŋ este qalarlyq sätterınıŋ bırıne ainalatyn erekşe joba. Ony jüzege asyruǧa serıktesterımız de ülken qoldau körsettı. Atap aitqanda, Zigi Zagi susyny men «Närlen» kompaniiasy bızdıŋ basty serıktesterımızdıŋ qatarynda. Osyndai qoldaudyŋ arqasynda festivaldı mazmūndy ärı qyzyqty ötkızuge mümkındık boldy, – dedı ortalyq direktory.
Rekordtyq hot-dogty daiyndau barysyn festival qonaqtary qyzyǧuşylyqpen tamaşalady. Erekşe taǧamnyŋ äzırlenuı köpşılık üşın kütpegen ärı este qalarlyq körınıske ainaldy.
Festivalde gastronomiialyq baǧdarlamamen qatar mädeni-muzykalyq şaralarǧa da keŋ oryn berıldı. Keş boiy sahnada türlı muzykalyq kompozisiialar oryndalyp, körermenderge merekelık köŋıl-küi syilandy. Al, keştıŋ basty muzykalyq qonaqtarynyŋ bırı – tanymal qazaqstandyq oryndauşy Ziruza boldy.
Änşınıŋ önerın tamaşalauǧa jinalǧan körermender änge qosylyp, festivaldıŋ jalpy atmosferasyn odan ärı jandandyra tüstı. Osylaişa, taǧam men muzyka üilesıp, şara kädımgı gastronomiialyq järmeŋkeden köŋıldı qalalyq merekege ūlasty.
«Street Food Fest» arqyly Şymkenttıŋ gastronomiialyq mädenietı ǧana emes, qalanyŋ turistık äleuetı de keŋınen tanystyryldy. Köşe taǧamdary bügınde köptegen qalalardaǧy turistık mädeniettıŋ bır bölıgıne ainalyp keledı. Şymkent üşın de mūndai şaralar jergılıktı taǧam oryndaryn tanytyp, şahardyŋ özındık dämın qala tūrǧyndary men qonaqtaryna körsetuge mümkındık beredı.
Etno-auyldyŋ ūlttyq naqyştaǧy ortasy men zamanaui street food formatynyŋ qatar üilesuı de festivaldıŋ özındık erekşelıgın aiqyndady. Qonaqtar bır jaǧynan ūlttyq atmosferany sezınse, ekınşı jaǧynan zamanaui taǧam mädenietınıŋ türlı ülgılerımen tanysty.
«Street Food Fest» osylaişa Şymkenttıŋ gastronomiialyq mädenietın tanytqan, jergılıktı käsıpkerlerdıŋ basyn qosqan jäne qala tūrǧyndaryna köterıŋkı köŋıl-küi syilaǧan mazmūndy şaralardyŋ bırıne ainaldy.
