Foto: Aqorda
Memleket basşysy Qasym-Jomart Toqaev Joǧary auditorlyq palatanyŋ töraǧasy Älihan Smaiylovty qabyldady. Būl turaloy Aqorda jazdy, dep habarlaidy “Adyrna”.
Qasym-Jomart Toqaevqa Qorǧanys ministrlıgınde biudjet qarajatynyŋ jūmsalu tiımdılıgıne qatysty jospardan tys jürgızılıp jatqan audit turaly esep berıldı.
“Auqymdy tekserıs 50 nysandy, sonyŋ ışınde 48 äskeri bölımdı qamtidy. Osy maqsatta memlekettık audit jüiesınıŋ jetekşı mamandarynan, sondai-aq IT jäne bailanys salasy sarapşylarynan arnaiy top jasaqtaldy. Audit aiasynda Qaruly küşter qyzmetınıŋ barlyq negızgı baǧytyndaǧy ahualǧa baǧa berıledı", — delıngen habarlamada.
Atap aitqanda, äskeri bölımşelerdıŋ materialdyq-tehnikalyq qamtamasyz etıluı, jeke qūramnyŋ daiarlyǧy, äskeri oqu-jattyǧu jiyndarynyŋ ötkızıluı, äskeri infraqūrylymnyŋ damuy, qaru-jaraq pen tehnikanyŋ jaŋǧyruy, sifrlyq jüielerdıŋ aqausyz jūmys ısteuı tügel tekserılmek.
Prezidentke memlekettıŋ qorǧanys salasyndaǧy tapsyrysyna jürgızılgen audittıŋ nätijelerı tanystyryldy.
"Joǧary auditorlyq palata tekserıs qorytyndysy boiynşa anyqtalǧan zaŋ būzuşylyqtardy joiu üşın Ükımetke jäne salalyq memlekettık organdarǧa 57 naqty ūsynym men tapsyrma joldady. Sonymen qatar Memleket basşysyna ekonomikalyq damu men äleumettık salanyŋ basym baǧyttaryn qamtityn josparly auditorlyq tekserıstıŋ barysy baiandaldy”, – dep habarlady Aqordadan.
Būdan bölek, Älihan Smaiylov Astanada ötken Aziia joǧary audit organdary ūiymy Basqarma keŋesınıŋ 63-otyrysynyŋ qorytyndysy turaly aitty. Jiynǧa 19 eldıŋ ökılı qatysqan. Mūndai formattaǧy ıs-şara Qazaqstanda alǧaş ret ötkızılıp otyr.
Kezdesu soŋynda Prezident Qorǧanys ministrlıgınde audit jürgızuge jäne tūtas memlekettık audit jüiesın odan ärı jetıldıruge qatysty bırqatar naqty tapsyrma berdı.
Eske salsaq, Joǧary auditorlyq palata Qorǧanys ministrlıgınıŋ biudjetı men äskeri bölımderdıŋ materialdyq-tehnikalyq qamtamasyz etıluıne audit jürgızudı bastaǧan bolatyn.
Qorǧanys salasyna tekserıs jürgızuge 24 qyrküiek künı Kaspiide bolǧan qaiǧyly oqiǧa sebep boldy. Äskeri oqu-jattyǧu kezınde 17 äskeri qyzmetşını aşyq teŋızge alyp ketkenı bolatyn. Olardyŋ üşeuı qūtqarylyp, 14 äskeri qyzmetşı qaza tapqan edı.
