Qazaqstan azamaty Nūrlan Qonaqbaev Qyrǧyzstannyŋ memlekettık sirkınıŋ direktory bolyp taǧaiyndaldy. Tiıstı şeşımdı Qyrǧyzstan prezidentı Sadyr Japarov qabyldady, dep habarlaidy "Adyrna".
24.kg basylymynyŋ mälımetınşe, memleket basşysy jaŋa direktordy qabyldap, sirk ūjymyndaǧy mäselelerdı şeşudı tapsyrǧan. Prezidenttıŋ aituynşa, syrttan basşy şaqyruǧa ärtıster men äkımşılık arasyndaǧy ūzaqqa sozylǧan janjaldar sebep bolǧan.
2023 jyly Sadyr Japarov sirk ǧimaratyn kürdelı jöndeuden ötkızu turaly tapsyrma bergen. Ǧimarat jaŋartylyp, öner körsetuge arnalǧan jaǧdai jaqsarǧanymen, ūjym ışındegı kelıspeuşılıkter jalǧasqan. Endı jaŋa basşynyŋ aldynda eŋbek tärtıbın retteu, ūjymdaǧy qalypty ahualdy qalpyna keltıru jäne qoiylymdar baǧdarlamasyn keŋeitu mındetı tūr. Sonymen qatar Qyrǧyzstanǧa şeteldık sirk ūjymdaryn tartu josparlanyp otyr.
Būǧan deiın sirktı Svetlana Aşirova basqarǧan. Ol būl qyzmetke 2024 jyldyŋ küzınde taǧaiyndalǧan. Alaida bırneşe aidan keiın qyzmetkerler tarapynan synǧa ūşyrady. Ärtıster ony qysym körsettı, basqaru ısınde bılıksızdık tanytty jäne ūjymnyŋ ydyrauyna sebep boldy dep aiyptaǧan. Aşirova būl aiyptaulardy joqqa şyǧarǧan.
2025 jyldyŋ qaŋtarynda ol qyzmetınen bosatylyp, bırneşe künnen keiın qaita taǧaiyndalǧan. Al 2026 jyldyŋ tamyzynda sirk qyzmetkerlerı prezidentten kömek sūraǧan. Olardyŋ mälımetınşe, mekemede jūmys ıstegen 186 adamnyŋ jüzden astamy sirkten ketken. Aşirova keibır lauazymdardyŋ bastapqydan bos bolǧanyn, al bırqatar ärtıstıŋ jalaqynyŋ tömendıgıne bailanysty jūmystan şyqqanyn aitqan.
Nūrlan Qonaqbaev 41 jasta. Ol Qyrǧyzstanda düniege kelgenımen, käsıbi mansabyn Qazaqstanda qalyptastyrǧan. Abai atyndaǧy Qazaq ūlttyq opera jäne balet teatrynda balet solisı bolyp jūmys ıstegen. Keiın halyqaralyq gastrolder men mädeni jobalardy ūiymdastyrumen ainalysqan.
2024 jyldyŋ jeltoqsanynda Qonaqbaev Almaty Theatre teatrynyŋ basşysy bolyp taǧaiyndalǧan. Sonymen qatar ol Qazaqstan men AQŞ-ta gastrolder, balet qoiylymdary jäne şeteldık ärtısterdıŋ öner körsetuın ūiymdastyratyn ekı kompaniia qūrǧan.
