Ystanbūlda nöser jaŋbyr jauyp, 1 jasöspırım qaza tapty. Būl turaly Haberler basylymy jazdy, dep habarlaidy «Adyrna» tılşısı.
BAQ mälımetınşe, Balat audanynda şalşyq sudy keşıp ötpek bolǧan 14 jastaǧy jasöspırımdı elektr togy soǧyp, ol köz jūmǧan.
Ystanbūl gubernatorynyŋ basqarmasy qala aumaǧynda 1 277 su basu oqiǧasy men 15 köşkın tırkelgenın habarlady. Su basu saldarynan 47 adam şyǧa almai qalǧan. Sonymen qatar 13 jaǧdaida aǧaş qūlap, ekı ret şatyr ūşqan.
Tötenşe jaǧdailar qyzmetıne 76 kölıkke, 808 tūrǧyn üige jäne 280 käsıporynǧa qatysty oqiǧalar turaly habarlamalar tüsken.
Türkiianyŋ Tötenşe jaǧdailar jäne tabiǧi apattar basqarmasy (AFAD) janynan daǧdarys ştaby qūrylǧan. Apat saldaryn joiu jūmystaryna 8 myŋ qyzmetker men 2 myŋ tehnika jūmyldyrylǧan.
Bilık ökılderınıŋ mälımetınşe, joldar aşyq, al äuejailarda reisterdıŋ toqtatyluy tırkelmegen.
Al İz Gazete basylymynyŋ jazuynşa, Ystanbūl bilıgı 15 qazanda qaladaǧy barlyq memlekettık jäne jekemenşık mektepterde sabaq toqtatylatynyn mälımdegen. Būdan bölek, särsenbı keşınen bastap qosymşa nūsqau berılgenge deiın motosiklder men özge de osyǧan ūqsas ekı döŋgelektı kölık qūraldarynyŋ qozǧalysyna tyiym salynǧan.
Sondai-aq memlekettık mekemelerde jūmys ısteitın mügedektıgı bar qyzmetkerler, jüktı äielder, ardagerler jäne segız jasqa tolmaǧan balalary bar äiel qyzmetkerler äkımşılık tärtıppen jūmystan bosatylǧan.
Būqaralyq aqparat qūraldarynyŋ mälımetınşe, särsenbı künı Ystanbūlda bır şarşy metrge şaqqanda 200 millimetrden astam jauyn-şaşyn tüsken. Bilık beisenbı künı qalada meteorologiialyq qauıptıŋ sary deŋgeiın jariialaǧan. Tūrǧyndar men turisterge asa qajettılık bolmasa, üilerınen şyqpauǧa keŋes berılgen.
