Önerkäsıp, kölık, qūrylys, auyl şaruaşylyǧy jäne basqa da öndırıstık sala eŋbekkerlerı III därejelı «Eŋbek Daŋqy» ordenınıŋ kavalerı atandy. Būl turaly Aqorda jazdy, dep habarlaidy "Adyrna".
«Qazaqstannyŋ eŋbek sıŋırgen qairatkerı» qūrmettı ataǧy mädeniet salasynyŋ körnektı ökılderı B.Bäimenge, T.Müsılımge, P.Paltaevqa, M.Sailanbekke, A.Temkinaǧa jäne basqa da tūlǧalarǧa berıldı.
«Qazaqstannyŋ eŋbek sıŋırgen ūstazy» ataǧyna pedagogter jäne bılım beru salasynyŋ ökılderı N.Karanda, K.Mäjitova, E.Omarhanov, N.Safiullina, «Qazaqstannyŋ halyq ärtısı» ataǧyna öner qairatkerlerı T.Mūsabaev, N.Öteulov laiyq dep tanyldy.
Bırqatar medisina qyzmetkerı, sonyŋ ışınde T.Şarmanov atyndaǧy Ūlttyq medisinalyq universitettıŋ professory T.Tarkina «Qazaqstannyŋ eŋbek sıŋırgen därıgerı» qūrmettı ataǧynyŋ iegerı atandy.
Äskeri jäne qyzmettık boryşyn ülgılı atqarǧany, zaŋdylyq pen qūqyqtyq tärtıptı qamtamasyz etude, ūlttyq qauıpsızdıktı nyǧaituda körsetken erlıgı men janqiiarlyǧy üşın äskeri qyzmetşıler jäne qūqyq qorǧau organdary ökılderınıŋ bır toby I, II därejelı «Daŋq» ordenderımen, I, II, III därejelı «Aibyn» ordenderımen, «Erlıgı üşın», sondai-aq «Jauyngerlık erlıgı üşın» medaldarymen marapattaldy.
Barlyǧy 129 eŋbek ardagerı, önerkäsıp, kölık, qūrylys, auyl şaruaşylyǧy jäne basqa da salalardyŋ 473 jūmysşysy, şaǧyn jäne orta biznestıŋ 200-den astam ökılı, 150-den asa pedagog pen ǧalym, 120-ǧa juyq medisina qyzmetkerı, sondai-aq kündelıktı eŋbegımen el damuyna üles qosyp jürgen özge de azamattar memlekettık nagradalarǧa ie boldy.
