Qaztūtynuodaǧy Qaraǧandy ekonomikalyq universitetınde Qazaqstan Respublikasy Prezidentınıŋ «Jaŋa tarihi kezeŋdegı Qazaqstannyŋ özektı mındetterı» atty Joldauyn tüsındıru maqsatynda Respublikalyq aqparattyq-tüsındıru tobynyŋ müşelerı studenttermen jäne professor-oqytuşylar qūramymen kezdestı.
Kezdesuge Qūryltai deputaty, Äleumettık-mädeni damu komitetınıŋ töraǧasy Ashat Aimaǧambetov, Eŋbek jäne halyqty äleumettık qorǧau vise-ministrı Bahtiiar Jazyqpaev, Qaraǧandy oblystyq ūlttyq sport türlerı qauymdastyǧynyŋ töraǧasy Nūrken Kobjanov, memleket jäne qoǧam qairatkerı Qūdaibergen Beksūltanov, Qazaqstan Halyq Keŋesınıŋ müşelerı Bekzat Altynbekov pen Äigerım İsbekova qatysty.
Jiyn barysynda Memleket basşysynyŋ Joldauynda belgılengen negızgı mındetter, bılım beru jüiesın damytu, äleumettık saiasat, jastardy qoldau jäne adami kapitaldy qalyptastyru mäselelerı talqylandy.
Qūryltai deputaty Ashat Aimaǧambetov kezdesudıŋ aşyq dialog formatynda ötuınıŋ maŋyzyn atap öttı. Onyŋ aituynşa, Joldauda köterılgen mäselelerdı talqylaumen qatar, naqty ūsynystar äzırleuge de mümkındık bar. Äsırese memlekettık jäne jergılıktı basqaru, zaŋ jäne ekonomika baǧytynda bılım alyp jatqan jastardyŋ pıkırın eskeru maŋyzdy.
– Memleket basşysynyŋ biylǧy Joldauy mazmūny men maŋyzy jaǧynan erekşe. Öitkenı būl – jaŋa Konstitusiia qabyldanǧannan keiıngı alǧaşqy Joldau. Konstitusiialyq özgerısterden keiın elımızdıŋ saiasi jüiesınde eleulı jaŋaru boldy. Endıgı mäsele – osy özgerısterden keiın Qazaqstannyŋ damu baǧyty qandai bolmaq, aldaǧy uaqytta qandai mındetter jüzege asyryluy kerek degen saualdarǧa jauap tabu, – dedı Ashat Aimaǧambetov.
Deputat älemdegı geosaiasi ahual men jasandy intellektınıŋ qarqyndy damuy eldıŋ jaŋa syn-qaterlerge beiımdeluın talap etetının jetkızdı. Onyŋ sözınşe, Oqu-aǧartu ministrlıgı jürgızgen zertteu nätijesıne säikes, oquşylardyŋ 70 paiyzdan astamy jasandy intellektını jiı qoldanady. Būl bılım beru jüiesınde jaŋa tehnologiialardy tiımdı paidalanu qajettıgın körsetedı. Sonymen qatar, Joldauda köterılgen Qazaqstannyŋ jaŋa ūzaq merzımdı damu strategiiasyn äzırleu bastamasyna toqtaldy. 1997 jyly qabyldanǧan «Qazaqstan – 2030» strategiiasynyŋ el damuynyŋ negızgı baǧdaryn aiqyndaǧanyn atap ötıp, jaŋa strategiialyq qūjatty äzırleuge akademiialyq qauymdastyqtyŋ, ǧalymdar men studentterdıŋ belsendı qatysuy qajettıgın aitty.
Memlekettık basqaru jüiesın jaŋǧyrtu da nazardan tys qalǧan joq. Deputattyŋ pıkırınşe, jasandy intellektını engızu men memlekettık qyzmetterdı avtomattandyru basqaru jüiesıne jaŋa talaptar qoiyp otyr. Osyǧan bailanysty memlekettık basqaru qūrylymyn zaman talabynasai jetıldırıp, reformalar äzırleude universitetterdıŋ ǧylymi äleuetın paidalanu maŋyzdy. Bılım beru salasyna qatysty sözınde Ashat Aimaǧambetov pedagogterdıŋ käsıbi qyzmetıne qatysy joq mındetterden bosatyluy kerektıgın atap öttı. Mūǧalımderdıŋ artyq eseptılıgı men qaǧazbastylyǧyn azaityp, olardyŋ negızgı jūmysyna – bılım beru men tärbiege basymdyq beru qajet. Būl baǧytta arnaiy zaŋ jobasy äzırlengenın jetkızdı.
Būdan bölek, erekşe bılım beru qajettılıkterı bar balalardy qoldau mäselesı de qozǧaldy. Deputat keibır eldı mekenderde arnaiy mamandardyŋ, oŋaltu ortalyqtary men psihologiialyq-medisinalyq-pedagogikalyq konsultasiialardyŋ jetkılıksız ekenın aitty. Onyŋ sözınşe, är balaǧa tūrǧylyqty jerıne qaramastan sapaly kömek aluǧa mümkındık jasau qajet. Osy baǧytta oŋaltu jäne tüzetu ortalyqtaryn aşu, qajettı infraqūrylymdy damytu mäselelerı pysyqtaluda.
Qazaqstan Halyq Keŋesınıŋ müşesı Bekzat Qomarūly öz sözınde Memleket basşysynyŋ Joldauynda aitylǧan sanany jaŋǧyrtu mäselesıne toqtalyp, qoǧamdaǧy özgerıster eŋaldymen är azamattyŋ jeke jauapkerşılıgınen bastaluy kerektıgın atap öttı. Onyŋ aituynşa, zaŋdardy jetıldırumen qatar, «Adal azamat» qaǧidatyn qalyptastyryp, zaŋ men tärtıptı saqtaityn adamdardy därıpteu maŋyzdy. Sondai-aq, qūqyq būzuşylardy jazalaumen ǧana şektelmei, qoǧamǧa ülgı bolatyn azamattardy qūrmetteu arqyly jastardyŋ boiynda jauapkerşılık pen tärtıp mädenietın qalyptastyruǧa bolatynyn jetkızdı.
Kezdesu barysynda qatysuşylar özderın tolǧandyrǧan saualdaryn qoiyp, ūsynys-pıkırlerın bıldıruge mümkındık aldy. Respublikalyq aqparattyq-tüsındıru tobynyŋ ökılderı Prezident tapsyrmalarynyŋ mänı men olardy ıske asyru baǧyttaryna toqtaldy. Jiynǧa universitettıŋ 130-ǧa juyq studentı men professor-oqytuşylar qūramy qatysty.
