Şymkent halyqaralyq äuejaiynda Oŋtüstık Koreiada ötken sadaq atudan älem chempionatynda jeŋıske jetken sportşylardy jerlesterı saltanatty türde qarsy aldy. Ulsan qalasynda dästürlı sadaq atudan tarihta alǧaş ret ūiymdastyrylǧan älem chempionaty öz märesıne jettı. Bairaqty bäsekege älemnıŋ 38 elınen 690 sportşy qatysyp, özara myqtyny anyqtady.
Qazaqstan ūlttyq qūramasy chempionatta joǧary nätije körsetıp, komandalyq esepte bırneşe altyn medal jeŋıp aldy.
Älem chempionatynda Şymkent sportşylary da sättı öner körsetıp, komandalyq esepte 2 kümıs jäne 2 qola medal ielendı. Al, jekelei synda Jänıbek Qūlmyrzaev «Puta» nysanasyna oq atu saiysynda qola jüldege qol jetkızdı.
Būl älem chempionatynda Şymkent qalasynyŋ namysyn Maqsat Äbdıkärımov, Sabira Jappar, Manzura Esenova jäne Zabit Satoev qorǧady.
Jeŋımpazdardy äuejaidan tuǧan-tuystary, jaqyndary, sport qauymdastyǧynyŋ ökılderı, jattyqtyruşylar men janküierler kütıp aldy. Chempiondardy köpşılık qoşemetpen qarsy alyp, Qazaqstannyŋ halyqaralyq sport arenasyndaǧy abyroiyn asqaqtatqany üşın öz rizaşylyqtaryn bıldırdı.
Sondai-aq, sportşylardy joǧary deŋgeide daiyndap, jeŋıske jetuıne zor üles qosqan jattyqtyruşylar men tälımgerlerdıŋ de eŋbegı erekşe atap ötıldı.
