Şymkent qalasynyŋ äkımı Ǧabit Syzdyqbekovtıŋ töraǧalyǧymen Memleket basşysy Qasym-Jomart Toqaevtyŋ «Qazaqstannyŋ jaŋa tarihi kezeŋdegı özektı mındetterı» atty Qazaqstan halqyna Joldauynda aiqyndalǧan basym baǧyttar men alǧa qoiylǧan mındetterdı talqylauǧa arnalǧan qalalyq aktiv otyrysy öttı.
Jiynǧa jergılıktı atqaruşy jäne ökıldı organdardyŋ basşylary, ziialy qauym ökılderı, saiasi partiialar men qoǧamdyq ūiymdardyŋ müşelerı qatysty.
Otyrysty aşqan qala äkımı Memleket basşysynyŋ Joldauy elımızdıŋ aldaǧy damuyndaǧy strategiialyq baǧdarlardy aiqyndap, öŋırlerge ekonomikany nyǧaitu, infraqūrylymdy jaŋartu jäne halyqtyŋ ömır süru sapasyn arttyru boiynşa naqty mındetter jükteitının atap öttı. Onyŋ aituynşa, Prezident belgılegen baǧyttar jergılıktı deŋgeide jüielı jūmys jürgızudı jäne naqty nätijege baǧdarlanudy talap etedı.
Qala äkımı äleumettık infraqūrylymdy damytu, baspana qūrylysy, kölık jäne energetika jüielerın jetıldıru, investisiia tartu, käsıpkerlıktı qoldau jäne Şymkenttıŋ önerkäsıptık äleuetın arttyru mäselelerıne erekşe nazar audardy.
Jiyn barysynda qalalyq Qoǧamdyq keŋestıŋ töraǧasy Būharbai Parmanov, Qazaqstan Halyq keŋesınıŋ müşesı Äbdez İmanqūlov, Şymkent qalasy Käsıpkerler palatasynyŋ direktory Sabira Adambekova söz söiledı. Qatysuşylar Joldaudyŋ negızgı baǧyttary boiynşa pıkırlerın bıldırıp, özektı damu mäselelerın köterdı jäne tiıstı salalardaǧy jūmysty jetıldıruge qatysty ūsynystaryn ortaǧa saldy.
Talqylaudy qorytyndylaǧan qala äkımı Ǧabit Syzdyqbekov Şymkenttıŋ aldaǧy damu baǧyttaryn aiqyndap, taiau jyldarǧa arnalǧan josparlarymen bölıstı.
Atap aitqanda, äleumettık jäne injenerlık infraqūrylymdy odan ärı damytu, bılım beru, densaulyq saqtau, sport jäne qoǧamdyq qauıpsızdık nysandaryn salu, baspana qoryn keŋeitu, jol jelısı men energetikalyq keşendı jaŋartu mäselelerı söz boldy.
Sondai-aq, qalanyŋ investisiialyq äleuetın arttyruǧa, käsıpkerlıktı qoldauǧa, öndırıstık quattardy keŋeituge jäne jaŋa jūmys oryndaryn aşuǧa basymdyq berıldı. Būl baǧyttar Şymkent ekonomikasyn nyǧaityp, qala tūrǧyndarynyŋ ömır süru sapasyn odan ärı arttyruǧa mümkındık beredı.
Jiyn qorytyndysynda megapolis basşysy qatysuşylarǧa mazmūndy talqylau men ūsynystary üşın alǧys aityp, basşylardy jüktelgen mındetterdı jauapkerşılıkpen oryndauǧa, özara üilesımdı jūmysty qamtamasyz etuge jäne är baǧyt boiynşa naqty nätijelerge qol jetkızuge şaqyrdy.
