«Jer amanaty» komissiiasynyŋ «jedel jelısıne» jer mäselelerı boiynşa 985 ötınış kelıp tüstı. Onyŋ barlyǧy öŋırlık komissiialardyŋ qarauyna berıldı, dep habarlaidy “Adyrna” ūlttyq portaly.
«Bügınde auyl şaruaşylyǧy maqsatyndaǧy jer tapşylyǧy mäselesı özektı problema bolyp otyr. Partiianyŋ mobildı qoǧamdyq qabyldauy el aralaǧan kezde öŋır tūrǧyndary osy mäselelerdı köterdı. Bır aida «Jer amanaty» komissiiasynyŋ «jedel jelısıne» jer mäselelerı boiynşa 985 ötınış kelıp tüstı. Köbınese būl ötınışter jaiylym jer bölu mäselesıne – 62%, şalǧaidaǧy jaiylymdar men jer uchaskelerın alu kezınde kömek körsetıluıne – 28% qatysty boldy», – dedı «AMANAT» partiiasy Respublikalyq qoǧamdyq qabyldau bölmesınıŋ meŋgeruşısı Äliia Sadyrbaeva.
7 şıldede «Jer amanaty» komissiiasynyŋ jer mäselelerı jönındegı «jedel jelısı» ıske qosylǧan bolatyn. Osylaişa, qazaqstandyqtar barlyq zaŋ būzu faktılerı turaly 8 800 080 44 41 telefony boiynşa habarlai alady. Ötınımder WhatsApp arqyly da + 77008004441 nömırı boiynşa qabyldanady.
«AMANAT» partiiasy Respublikalyq qoǧamdyq qabyldau bölmesınıŋ aqparatyna säikes, jer mäselelerıne qatysty ötınışterdıŋ basym köpşılıgı Türkıstan (53,1%), Şyǧys Qazaqstan (17%), Aqmola (8,3%) jäne Pavlodar (8,3%) oblystarynyŋ tūrǧyndarynan kelıp tüstı.
Aita ketu kerek, «Jer amanaty» komissiiasy jūmysynyŋ nätijesınde memleket menşıgıne elımız boiynşa 293,2 myŋ gektar jaiylym jer qaitaryldy.
Atap aitqanda, Qaraǧandy oblysynda – 82 myŋ ga, Qostanai oblysynda – 67,1 myŋ ga, Jambyl oblysynda – 46,3 myŋ ga, Jetısu oblysynda – 41,9 myŋ ga, Aqtöbe oblysynda – 20 myŋ ga, Türkıstan oblysynda – 17 myŋ ga, Soltüstık Qazaqstan oblysynda – 18,9 myŋ ga.
https://youtu.be/3Ab_zSk8bAQ«Jer amanaty» komissiiasynyŋ jūmysy jalǧasuda.
“Adyrna” ūlttyq portaly
