Uly Otan soǵysy jyldarynda maıdan dalasynda qaza tapqan qazaqstandyq jaýynger Qaleı Dúzbaevtyń súıegi Máskeýden Nur-Sultan qalasyna jetkizildi. Bul týraly “Adyrna” ulttyq portaly Qorǵanys mınıstrligine silteme jasap habarlaıdy.
Izdeýshiler jasaǵy Lenıngrad túbindegi shaıqasta erlikpen qaza tapqan Batys Qazaqstan oblysynyń týmasy Qaleı Dúzbaevtyń súıegin osy jazda tapqan bolatyn.
Nur-Sultan qalasy áýejaıynyń áskerı sektorynda ótken qazaq sarbazynyń súıegin kútip alý rásimine Qorǵanys mınıstrliginiń basshylyǵy, Ortalyq áskerı orkestr, Qurmet qaraýyl rotasy jáne Qazaqstan Respýblıkasy Qarýly kúshteri Qurlyq áskerleriniń, Áýe qorǵanysy kúshteriniń, Áskerı-teńiz kúshteriniń áskerı qyzmetshileri, «Jas sarbaz» respýblıkalyq áskerı-patrıottyq qozǵalysynyń tárbıelenýshileri qatysty.
– Qazaqstandyqtardyń maıdandaǵy erligi urpaqtyń jadynda máńgi saqtalady. Olar búgingi Otan qorǵaýshylar úshin muqalmas rýhtyń, qajymas qaırattyń, janqııar erliktiń jáne Otanǵa degen súıispenshiliktiń shynaıy úlgisi, – dedi Qorǵanys mınıstri general-polkovnık Rýslan Jaqsylyqov. – Bizdiń birlesip atqaryp jatqan jumystarymyz batyr babalardyń erligin tarıhta saqtaýǵa, jastarǵa áskerı-patrıottyq tárbıe berýge edáýir úles qosatynyna senimdimin.
" alt="" aria-hidden="true" />
1902 jyly Batys Qazaqstan oblysynda týǵan jaýyngerdiń jerlengen jerin 9 shildede Lenıngrad oblysynyń Tosnensk aýdanyndaǵy «Zaslon» izdeý jasaǵynyń músheleri tapqan bolatyn. Múrdeniń kimge tıesili ekeni soldat medalonynda saqtalǵan jazbasyna qarap anyqtaldy.
«Atamnyn amanaty» izdestirý jasaǵynyń basqarma tóraǵasy Murat Moldaǵalıev atap ótkendeı, bul kúnderi Kalýjsk oblysyndaǵy áskerı-tarıhı ekspedıııaǵa qazaqstandyq birikken jasaq qatysýda. Ol, sondaı-aq, eki el izdeýshileriniń birlesken jumysy jańa serpin alatynyna senimdi.
Maýsym aıynda qazaqstandyq úsh jaýynger – Tólegen Úrkerbaevtyń, Petr Abramovıch Fomenkonyń, Nıkolaı Matveevıch Gýrovtyń súıekterin elge jetkizý men qaıta jerleý rásimderi uıymdastyrylǵan bolatyn.
Soǵys jyldarynda habar-osharsyz ketken qazaqstandyq sarbazdar men ofıerlerdiń taǵdyryn anyqtap, olardyń esimin máńgi jadymyzda saqtaý jumystary jalǵasyn taba bermek. Elordadaǵy «Eskertkish aımaǵy» izdestirý jasaǵy men onyń jetekshisi Maıdan Qusaıynov osyndaı ıgi isterge eleýli úles qosyp keledi. Osy maqsatta izdestirý qozǵalysynyń ardageri Qazaqstan Qarýly kúshteriniń Ulttyq áskerı-patrıottyq ortalyǵymen tyǵyz baılanys ornatqan.
Qaleı Dúzbaevtyń súıegin qaıta jerleý rásimi onyń týǵan jerinde áskerı qurmetke saı ótkizilmek.
“Adyrna” ulttyq portaly
