Almaty oblysynda jansaqtaý bólimine túsken naýqas aýrýhanada jaraqat alǵan, dep habarlaıdy «Adyrna» tilshisi Almaty.tv-ge silteme jasap.
Epılepsııaǵa shaldyqqan azamatqa ystyq suıyqtyq tógilgen. 20 jastaǵy Sultan bul dene jaraqatyn aýrýhanada alǵan. Sol sátte naýqas es-tússiz jatqandyqtan, oqıǵanyń qalaı bolǵanyn ózi jóndi bilmeıdi.
«Oıanyp, qarasam oń jaǵym, ashıdy. Ne boldy dep qarasam kúıip qalypty. «Sháıǵa óziń kúıip qaldyń, jyly sháı ákelgende, ystyǵyn suradyń» dep túsindirdi», – dedi Abaı aýylynyń turǵyny Sultan Orshabekov.
Alaıda Sultannyń anasy dárigerlerge senbeıdi. Oqıǵa bolǵan sátte birden habar bermegenine narazy.
«Qalaı ol ystyq sháıǵa kúıdirip alady? Nege onyń aýzy men qoly kúımeıdi? Qalaı tek ishi kúıdi?! Sháı tógilse, 3-dárejeli kúıik alady degen mıǵa sımaıtyn áńgime sııaqty. Bilmeımin. Qorqyp qaldyq. Jansaqtaý bóliminde osylaı istese, basqa bólim ne istemeıdi», – dedi Sultannyń anasy Baqytgúl Orshabekova.
Aıta ketsek, bul - Qarasaı aýdany boıynsha aýyr háldegi naýqastardy qabyldaıtyn jalǵyz aýrýhana. Epılepsııaǵa shaldyqqan 20 jastaǵy Sultan 1 tamyz túnde osynda jetkizilip, mundaǵy jansaqtaý bólimine jatqyzylǵan. Anasynyń aıtýynsha, ulynyń talma aýrýy osydan 10 jyl buryn anyqtalǵan. Sodan beri Sultan dárigerler baqylaýynda. 1 tamyzda túnge qaraı derti aıaq asty asqynyp, úı mańynda esinen tanyp qulaǵan. dárigerlerdiń aıtýynsha, jedel járdemmen jetkizilgennen naýqasqa tıisti medıınalyq kómek kórsetilgen.
«Naýqas jansaqtaý bóliminde jatqanda denesin kúıdirdi. Ústine ystyq sháı tógilgen. Qazir tekserý júrip jatyr. Oqıǵaǵa qatysty dárigermen sóılestik. Erteń Medıınalyq qyzmet kórsetý salasyndaǵy baqylaý komıtetiniń tekserý toby kelýi tıis. Olar tolyq tekseris jasap, kimniń kináli ekenin anyqtaıdy», – dedi Qarasaı aýdanaralyq kópsalaly aýrýhanasy bas dárigeriniń orynbasary Maksım Stadnıkov.
Sultannyń anasy bul oqıǵadan keıin ekspertıza jasaýdy talap etken. Onyń aıtýynsha, sol sátte dárigerler qarsy bolǵan kórinedi. Sondyqtan ulyn aýrýhanadan shyǵaryp alǵan. Keıin polıııaǵa aryz jazyp qaldyrdy.
«Bul derek polıııa basqarmasynda tirkeldi. Materıaldar jınaqtalyp, ekspertıza taǵaıyndaldy. Oqıǵa aýrýhanada bolǵandyqtan is Almaty oblystyq densaýlyq saqtaý basqarmasyna joldandy. Istiń tolyq mán-jaıy tekserý jumystarynyń nátıjesi shyqqanda ǵana anyqtalmaq. Ázirge Sultan jarasyn ózi tanyp, em-domdy úıinde alyp jatyr», – dedi Qarasaı APB jergilikti polıııa qyzmeti bóliminiń bastyǵy Arman Talqambaev.
