Almaty oblysynda jansaqtau bölımıne tüsken nauqas auruhanada jaraqat alǧan, dep habarlaidy «Adyrna» tılşısı Almaty.tv-ge sılteme jasap.
Epilepsiiaǧa şaldyqqan azamatqa ystyq sūiyqtyq tögılgen. 20 jastaǧy Sūltan būl dene jaraqatyn auruhanada alǧan. Sol sätte nauqas es-tüssız jatqandyqtan, oqiǧanyŋ qalai bolǧanyn özı jöndı bılmeidı.
«Oianyp, qarasam oŋ jaǧym, aşidy. Ne boldy dep qarasam küiıp qalypty. «Şäiǧa özıŋ küiıp qaldyŋ, jyly şäi äkelgende, ystyǧyn sūradyŋ» dep tüsındırdı», – dedı Abai auylynyŋ tūrǧyny Sūltan Orşabekov.Alaida Sūltannyŋ anasy därıgerlerge senbeidı. Oqiǧa bolǧan sätte bırden habar bermegenıne narazy.
«Qalai ol ystyq şäiǧa küidırıp alady? Nege onyŋ auzy men qoly küimeidı? Qalai tek ışı küidı?! Şäi tögılse, 3-därejelı küiık alady degen miǧa simaityn äŋgıme siiaqty. Bılmeimın. Qorqyp qaldyq. Jansaqtau bölımınde osylai ıstese, basqa bölım ne ıstemeidı», – dedı Sūltannyŋ anasy Baqytgül Orşabekova.Aita ketsek, būl - Qarasai audany boiynşa auyr häldegı nauqastardy qabyldaityn jalǧyz auruhana. Epilepsiiaǧa şaldyqqan 20 jastaǧy Sūltan 1 tamyz tünde osynda jetkızılıp, mūndaǧy jansaqtau bölımıne jatqyzylǧan. Anasynyŋ aituynşa, ūlynyŋ talma auruy osydan 10 jyl būryn anyqtalǧan. Sodan berı Sūltan därıgerler baqylauynda. 1 tamyzda tünge qarai dertı aiaq asty asqynyp, üi maŋynda esınen tanyp qūlaǧan. därıgerlerdıŋ aituynşa, jedel järdemmen jetkızılgennen nauqasqa tiıstı medisinalyq kömek körsetılgen.
«Nauqas jansaqtau bölımınde jatqanda denesın küidırdı. Üstıne ystyq şäi tögılgen. Qazır tekseru jürıp jatyr. Oqiǧaǧa qatysty därıgermen söilestık. Erteŋ Medisinalyq qyzmet körsetu salasyndaǧy baqylau komitetınıŋ tekseru toby keluı tiıs. Olar tolyq tekserıs jasap, kımnıŋ kınälı ekenın anyqtaidy», – dedı Qarasai audanaralyq köpsalaly auruhanasy bas därıgerınıŋ orynbasary Maksim Stadnikov.Sūltannyŋ anasy būl oqiǧadan keiın ekspertiza jasaudy talap etken. Onyŋ aituynşa, sol sätte därıgerler qarsy bolǧan körınedı. Sondyqtan ūlyn auruhanadan şyǧaryp alǧan. Keiın polisiiaǧa aryz jazyp qaldyrdy.
«Būl derek polisiia basqarmasynda tırkeldı. Materialdar jinaqtalyp, ekspertiza taǧaiyndaldy. Oqiǧa auruhanada bolǧandyqtan ıs Almaty oblystyq densaulyq saqtau basqarmasyna joldandy. Istıŋ tolyq män-jaiy tekseru jūmystarynyŋ nätijesı şyqqanda ǧana anyqtalmaq. Äzırge Sūltan jarasyn özı tanyp, em-domdy üiınde alyp jatyr», – dedı Qarasai APB jergılıktı polisiia qyzmetı bölımınıŋ bastyǧy Arman Talqambaev.
