Qazaqstan Prezidentınıŋ şeşımımen Fizuli qalasynda Qūrmanǧazy atyndaǧy şyǧarmaşylyqty damytu ortalyǧynyŋ ırgesı qalanady, dep habarlaidy “Adyrna” ūlttyq portaly.
Memleket basşysy qazaq halqynyŋ atynan jasalǧan būl syilyq elderımızdıŋ dostyǧynyŋ, bauyrlastyǧynyŋ jäne özara qoldaudyŋ taǧy bır nyşany bolatynyn atap öttı.
Öner ortalyǧynyŋ jalpy audany – 3100 şarşy metr. Ekı qabatty ǧimarat 600 adamǧa arnalǧan. Biyl qyrküiek aiynda ırgetasy qalanyp, 2023 jyldyŋ jeltoqsanynda paidalanuǧa berıledı.
Fizuli qalasyndaǧy Qūrmanǧazy atyndaǧy şyǧarmaşylyq ortalyǧy muzyka jäne muzykalyq aspaptar, zamanaui tehnologiialar: jūmys jabdyqtary, 3D modeldeu, veb-dizain, foto jäne video kurstar baǧytynda jūmys ıstemek. Sonymen qatar kılem toquǧa, qolönerge, türlı sport pen horeografiiaǧa baulityn synyptar aşylady.
İlham Äliev Qasym-Jomart Toqaevqa şeksız alǧysyn aityp, Fizuli qalasynyŋ balalary üşın älemdık deŋgeidegı şyǧarmaşylyq ortalyq bolady dep senetının jetkızdı.
”Adyrna” ūlttyq portaly
Ūqsas jaŋalyqtar
