Endi legıonerlerge shekteý alynyp tastalady. Bul týraly Qazaqstan fýtbol federaııasynyń prezıdenti Ádilet Bármenqulov málimdeme jasady, dep habarlaıdy “Adyrna” ulttyq portaly.
Ol bıyldan bastap fýtbolda shetel legıonerlerine qoıylatyn shekteýdiń alynyp tastalatynyn aıtyp, onyń qazaq fýtbolyna paıdaly jaǵyn túsindirip berdi.
«Sońǵy 15 jylda legıonerlerdiń úlesine baılanysty túrli eksperıment boldy. Alaıda ol aýyz toltyryp aıtarlyqtaı nátıje bermedi. Ony ózderińiz de kórip, jaqsy bilip otyrsyzdar. Sondyqtan biz sońǵy 2 jylda saraptama júrgizip, ereje qabyldadyq», – dedi Ádilet Bármenqulov.
Sondaı-aq, eger buryn alańǵa 7 legıoner shyǵatyn bolsa, endi olardyń sanyna shekteý alynyp tastalady. Biraq ótinish bergen kezde 25 fýtbolshynyń 13-i Qazaqstan fýtbolynyń ókili bolady. Bul aldymen básekelestikti arttyrady. Demek fýtbol damıdy.
Ekinshiden, kásibı fýtbol klýbtaryn agentterdiń kóleńkeli júıesinen qorǵaıdy. Naryqtyq eńbekaqy júıesi jasalyp, jalaqyny jasandy kóbeıtý bolmaıdy.
Úshinshiden, halyqtyń fýtbolǵa degen qyzyǵýshylyǵy artady. Stadıondar jankúıerge tolady. Demek jańa zamanaýı stadıondardyń qurylysyna qajettilik paıda bolady.
«Osylaısha, halyqtyń chempıonatqa degen qyzyǵýshylyǵy artsa, biz ınvestorlardyń da qyzyǵýshylyǵyn oıatamyz. Sonda ǵana biz fýtboldy memlekettik qarjylandyrýdan góri, jeke kásipkerlerdiń ınvestıııasymen qarjylandyra alamyz. Osy oıymyz iske assa, biz fýtboldyń bıznes ındýstrııasyn quratyn bolamyz. Ol klýbtyń jumysyna da paıdasyn tıgizip, fýtbolshylarǵa motıvaııa berip, súıikti isimen aınalysýǵa talpynysyn oıatady. Bul ózgerister klýbtardyń balalar fýtbolyn da qarjylandyrýǵa septigin tıgizedi. Olar óz oıynshylaryn tárbıelep, transfer arqyly qarjy taba alady», – dedi Ádilet Bármenqulov.
QFF basshysy erejedegi ózgerister ulttyq quramanyń oıyndaryna da áser etetinin, sonda ǵana elimizdiń bas komandasy barynsha Qazaqstan azamattarynan jasaqtalatynyn da aıta ketti.
«Ulttyq quramanyń oıynshylaryn Qazaqstan azamattarynan jasaqtaý – federaııanyń negizgi ustanymy», – dedi ol.
