Bügınge deiın qyzylordalyqtar elektr energiiasy mäselesıne alaŋdap keldı. Sebebı qaladaǧy elektr jylu ortalyǧy 50-60 jyldan berı üzdıksız jūmys jasaǧandyqtan, elektr jelılerınıŋ de äbden tozyǧy jetken. Būl sözsız elektr jüktemesıne salmaq salady. Özektı mäselelerdı öz uaqytynda nazarǧa alǧan aimaq basşysy Nūrlybek Nälıbaev Energetika ministrlıgımen tiıstı jūmystardy atqaryp, bırlesken türde oŋtaily şeşım qabyldady.
Nätijesınde Syr elınde būryn-soŋdy bolmaǧan zamanaui ülgıdegı quattylyǧy 240 megavatqa jetetın elektr ortalyǧy salynbaq.
Mamyr aiyndaǧy Syr elıne sapary barysynda ministr Bolat Aqşolaqov mūndai mümkındık alǧaş bolyp Qyzylorda öŋırınde bastau alǧanyn tılge tiek etken edı. Taiauda ǧana nysan qūrylysyn jürgızetın investor kompaniia anyqtalyp, alǧaşqy jūmystar bastalsa, bügın arnaiy jiynda Nūrlybek Nälıbaev investor türık kompaniiasynyŋ ökılderımen kezdesıp, jobanyŋ jüzege asyru mäselelerın qarady.
Otyrysqa jaŋa jylu ortalyǧynyŋ investory «Aksa Enerdji» türık kompaniiasynyŋ Qazaqstandaǧy basşysy Mustafa Kemal men QR Energetika ministrlıgınıŋ Jaŋartylatyn energiia közderın qoldau jönındegı qarjy-esep aiyrysu ortalyǧynyŋ direktory Güljan Qalijanqyzy qatysyp, taraptar arasynda ekıjaqty kelısım-şart jasaldy.
- Memleket basşysy Qasym-Jomart Kemelūly Toqaev Ükımettıŋ keŋeitılgen otyrysynda oŋtüstık öŋırlerdı üzdıksız elektr energiiasymen qamtamasyz etu maqsatynda 3 jylda quattylyǧy 1000 megavatt manervlık stansiialar saludy tapsyrǧan bolatyn. Jaŋa nysandy salu jerlesterım üşın aituly jaŋalyq dese de bolady. İgılıktı ıske qoldau bıldırgen ministr Bolat Aqşolaqovqa jäne şeteldık “Aksa Enerdji” kompaniiasynyŋ basşylyǧyna Syr jūrtynyŋ atynan alǧysymdy bıldıremın. Aimaq tarihyndaǧy maŋyzdy jobanyŋ sapaly jäne uaqytynda jüzege asyryluy üşın bar küş-jıgerımız ben mümkındıkterımızdı jūmsaityn bolamyz,-dedı N.Nälıbaev.Jiynda türık kompaniiasynyŋ Qazaqstandaǧy basşysy Mustafa Kemal jaŋa nysan 2025 jyly el igılıgıne berıletının jetkızdı.
“Būl jobanyŋ Qyzylorda üşın ǧana emes, Qazaqstanǧa da bererı mol bolady dep senemın. Keleşekte osy nysan energikalyq qauıpsızdıktı saqtauǧa airyqşa mümkındık beredı” dedı Mustafa Kemal.Basqosuda el aǧalary men energetika salasynyŋ ardagerlerı igılıktı ıstıŋ alǧaşqy qadamyna kuä bolyp, ǧasyrda bır salynatyn nysandy eldıŋ nesıbesıne balady. «Aksa Enerdji» türık kompaniiasy mazut, tabiǧi gaz, jel generatorlary men su elektr stansiialarynda elektr energiiasyn öndıru salasyndaǧy älemdık täjıribesı mol, jetekşı kompaniialardyŋ bırı. Aitu kerek, jalpy qūny 215 mlrd.teŋgeden asatyn jaŋa nysan energiia jetıspeuşılıgın edäuır tömendetedı. Būl Täuelsızdık alǧan jyldary elımızde biudjetten tys qarjy közderınen, iaǧni şeteldık investorlardyŋ qarjysyna ıske asyrylatyn eŋ auqymdy teŋdessız joba! Eske salaiyq, biyl oblys boiynşa 23 äleumettık nysannyŋ jylu qazandyǧy qaita jaŋǧyrtylady. Osy jūmystarǧa respublikalyq jäne oblystyq biudjetten 676 mln.teŋge bölındı.
