“27 jeńimpazǵa 4,7 mln teńge”: Aımaǵambetov júldegerlerdi marapattady

1170

Halyqaralyq olımpıadalardyń júldeger oqýshylaryn saltanatty túrde marapattaldy. Bul týraly oqý-aǵartý mınıstri Ashat Aımaǵambetov Facebook paraqshasynda jarııalady, dep habarlaıdy “Adyrna” ulttyq portaly.

“Bıyl daryndy balalarymyz 27 medal jeńip alyp, ótken jyldardaǵy rekordtaryn jańartty.

Bıyl quttyqtaýdyń ózi de balalar, olardyń ata-analary jáne muǵalimder úshin erekshe qýanyshty boldy.

Prezıdent Qasym-Jomart Kemeluly Toqaevtyń qoldaýynyń arqasynda 27 jeńimpazǵa 4,7 mln teńgege deıingi sertıfıkattar tabystadyq. Bul Prezıdenttiń daryndy balalardy yntalandyrý jumystaryn júrgizý boıynsha tapsyrmasynan keıin múmkin boldy. Sondaı-aq oqýshylar UBT tapsyrmaı-aq qazaqstandyq JOO-da oqýǵa granttar aldy. Bul baǵyttaǵy jumystar áli de jalǵasyn tabady”, dep jazdy mınıstr.

Mınıstrdiń aıtýynsha, bıyl tizimge 7 halyqaralyq olımpıada kirse, kelesi jyly ol taǵy 7 bedeldi halyqaralyq olımpıadamen tolyǵady.

Sondaı-aq júldeli oryn alǵan oqýshylardy daıyndaǵan ustazdar da birjolǵy aqshalaı tólem alady. Daryndy balalardyń ata-analaryna da alǵys hattar tabystadym.

“El Prezıdentiniń jáne memlekettiń tikeleı qoldaýy basqa da oqýshylarymyzdyń olımpıadaǵa qyzyǵýshylyǵyn arttyratynyna senimim mol.

Halyqaralyq arenada el namysyn laıyqty qorǵaǵan barlyq jeńimpazǵa taǵy da alǵys aıtamyn.

Boılaryńyzdaǵy tabandylyq, qajyrly eńbek, bilimge degen qushtarlyq qasıetterińiz sizderdi jańa jeńis pen tabysqa jeteleı bersin!”, - dedi Aımaǵambetov.

”Adyrna” ulttyq portaly 

Pikirler
Redakııa tańdaýy