Darhan Satybaldy Jetısaidaǧy örtengen bazarǧa qatysty tapsyrmalar berdı

4110
Adyrna.kz Telegram
https://adyrna.kz/content/uploads/2022/09/e5118cb5-995b-45b9-b358-170e48008c1a.jpeg
Jetısaidaǧy «Külparşyn» ortalyq bazarynan 580 jük kölıgımen 3150 tonna qoqys şyǧaryldy. Jekemenşık bazar ört qaldyqtarynan tazartyldy. Bazardy qalpyna keltıru jūmystary ekı auysymda, täulık boiy jürgızıldı. Türkıstan oblysynyŋ äkımı Darhan Satybaldyǧa Jetısai bazarynyŋ bügıngı jaǧdaiy baiandaldy. Oblys äkımı naqty tapsyrmalar berdı. Atalǧan oqys oqiǧa qaitalanbauy üşın audan, qalalardaǧy barlyq bazarlardyŋ talapqa sai jūmys ısteuın qadaǧalap, qauıpsızdık şaralaryn tekserudı tapsyrdy. Örtengen bazardyŋ jaŋa jobasy jasaldy. Sauda nüktelerı qolaily ärı qauıpsız etıp salynady. Ony tezdetıp ıske qosu üşın nysan aumaǧy 6 sektorǧa bölınıp, är sektorda Jetısaiǧa jaqyn ornalasqan Maqtaaral, Saryaǧaş, Keles, Şardara, Jetısai jäne Qazyǧūrt audandarynyŋ qūrylysşylary jūmys ısteidı. Bazardyŋ infraqūrylymy jaqsaryp, joly jöndeledı
– Halyqtyŋ müddesın qorǧau – bırınşı mäsele. Sondyqtan örtten zardap şekken käsıpkerlerge kömek körsetudı tezdetu kerek. Jeŋıldetılgen nesie berudı şeşıp, bankke qaryzy barlardy qoldau qajet. Qaryzdy qaitaru merzımın şegeru boiynşa jūmys küşeitılsın, – dedı Darhan Satybaldy.
Örtengen nysan janyndaǧy jūmysy toqtaǧan bazardy ıske qosu boiynşa jūmystar jürgızılıp jatyr. Käsıpkerler qalauy boiynşa sonda köşırıledı. Bazarǧa ört qauıpsızdıgı boiynşa mamyr aiynda tekseru jürgızılıp, bırneşe kemşılık anyqtalyp, eskertu jasalǧan. Ört qauıpsızdıgıne bailanysty talaptar saqtalmaǧan. Oqys oqiǧaǧa bailanysty polisiia tarapynan tergeu jürıp jatyr. Ört-tehnikalyq saraptama, sot qūrylys saraptamasy jürgızıldı. Şūǧyl tergeu toby qūrylǧan. Örtten 600-den astam saudager zardap şegıp, myŋnan astam sauda nüktesı japa şekken. Keltırılgen şyǧyndardy öteu boiynşa arnaiy qor qūryldy.      
Pıkırler