QR Ǧylym jäne joǧary bılım ministrlıgı "Almatydaǧy studentter dalada qonyp jür" degen aqparatty joqqa şyǧardy, dep jazady "Adyrna" ūlttyq portaly jazady.
"Almatydaǧy studentter dalada qonyp jür" degen saryndaǧy habarlamalar soŋǧy künderı bırqatar aqparattyq sait pen äleumettık jelıde taraǧan edı. Ǧylym jäne joǧary bılım ministrlıgı olardy mūqiiat zerdelep, köpşılıgı bır paraqşadan alynǧanyn jäne ondaǧy mälımettıŋ rastalmaǧanyn habarlaidy. BAQ ökılderı men äleumettık jelıdegı paraqşa ielerı ministrlıktıŋ baspasöz qyzmetıne ol studentter jaily naqty derekterdı ūsyna almady. Osyǧan orai qoǧam ökılderı men Būqaralyq aqparat qūraldaryn tek resmi aqparatqa senuge şaqyramyz", - delıngen habarlamada.
Studentterdıŋ jataqhanaǧa ornalasuyna qatysty sūraqtar tuyndasa joǧary oqu oryndarynyŋ äkımşılıgıne habarlasu sūralady.
"Al, universitetter şäkırtterdı jataqhanadaǧy oryndarmen qamtamasyz etude. Sondai-aq, qajet bolǧan jaǧdaida oryn jetpegen studentter hostelder men qonaqüilerge ornalastyrylady. Aita ketu kerek, Ǧylym jäne joǧary bılım vise-ministrı Quanyş Erǧaliev studentterdı jataqhanamen qamtu mäselesı tolyq şeşılgenşe Almatyda bolady. Ol jaǧdaidy tıkelei baqylauynda ūstaidy", - dep habarlady ministrlık.
