Almaty qalasy Işkı saiasat basqarmasynyŋ qoldauymen qolǧa alynǧan «Azamattyq boryş» jobasy aiasynda 15 tamyz künı «Batyr» gvardiiasynda Auǧan soǧysy ardagerlerımen kezdesu öttı. Şaraǧa ardagerlerden Serıkbai Keŋesbaiūly, Ömırbai Saǧyndyqov, Baidäulet Qūrmanqojaūly, Ädıl Bektasūly qatysty. Kezdesu barysynda «Elbasymyz Nūrsūltan Äbışūly Nazarbaev «Sızder men bızder tek bolaşaq buyndy ǧana emes, jalpy azamattyq qadır-qasietterdıŋ män-maŋyzyn tüsınetın jany da, tänı de taza, bılımdı patriot azamattar buynyn tärbieleuge mındettımız» degen edı. Al sızder, bügıngı şaraǧa qatysuşy Auǧan soǧysynyŋ ardagerlerı, būl patriottyq boryştaryŋyzdy sol kezde aq ötedıŋızder. « Däuır qatelıgı» degen sözde aqiqat joq. Öitkenı sızder qazaq degen halyqtyŋ qaşannanda batyldyq pen batyrlyqtyŋ iesı ekenın, qajaet bolsa – Otan üşın ottan da qoryqpaitynyn däleldedıŋızder. Būl – tarih, al tarihty eşkım özgerte almaidy. Sızderdı öz atymnan, audandyq maslihattyŋ deputattary atynan osy merekemen qūttyqtap, denderıŋızge saulyq, otbasylaryŋyzǧa bereke tıleimın» - dedı, keş jürgızuşısı Berdaly Ospan aǧamyz.
Şara aiasynda söz alǧan Serıkbai Keŋesbaiūly: «Şynymdy aitsam bız ol kezde erlık jasadyq dep oilaǧan joqpyz. 18 jastaǧy, mūrty tebındep ülgermegen bozbalalar qyrǧyn soǧystyŋ ortasyna tüskende ne bolǧanyn ūqpai da qaldyq. Jüregımızde tek «Otan üşın!» degen patriottyq sezım boldy. «40 jyl qyrǧyn bolsa da, ajaldy öledı» degendei, aman-esen tuǧan jerımızge oraldyq eŋbekke aralastyq. Baqyt degen osy. Bıraq sol kezdıŋ jaŋǧyryǧy bızge älı de estılıp tūrady desek ötırık emes. Maidandas dostarymyzdyŋ beinesı köz aldymyzda. Soǧystan oralyp kelgennen keiın jaraqat saldarynan ömırden erte ozǧan ardagerlerdıŋ esımın bız de, öskeleŋ ūrpaq ta ūmytpaidy.»
«Eşkım de, eşnärse de ūmytylmaidy» degen sözdıŋ öz mänın eşuaqytta joǧaltpaitynyna bügın közımız taǧy bır jetkendei boldy. Auǧan soǧysy ardagerlerın eske alu, erlıkterın paş etu-bızdıŋ qasietterı paryzymyz. Būl döŋgelek üstelde ötkezudegı bızdıŋ eŋ basty maqsatymyz erlıkterımızdı ūlyqtau. Öitkenı, ötkensız – bügın joq. Erteŋımız bügıngı künnen de jarqyn bolsyn! Ötken eske alu arqyly ǧana, bolaşaqqa nyq qadam basamyz.
"Adyrna" ūlttyq portaly
Basqalarmen bölıse
otyryŋyz
