«Adyrna» ūlttyq bırlestıgı Almaty qalasy Işkı saiasat basqarmasy qoldauymen ıske asyp jatqan «Azamattyq boryş» jobasy barysynda bırlestık basşysy Arman Äubäkır, joba jetekşısı Dos Symaǧūl, bırlestık direktorynyŋ orynbasary Beibıt Nälıbaev taǧy basqalar ūiymdastyrǧan būl kezdesuge Auǧan soǧysynyŋ belgılı ardagerlerı Jūmat Qūdaibergenūly men Arǧynbek Esımhanūly qatysty.
Jas sarbazdardyŋ aldynna şyǧyp söz söilegen ardagerler jas kezın eske ala otyryp şet elde äsker qatarynda tuystaryn saǧyna jürıp Otan aldyndaǧy boryşyn qalai ötegenderı turaly aityp berdı. Tyŋdauşylardyŋ köz aldynda qandy şaiqastar, ysqyrǧan oqtar men qaisarlyqpen soǧysqan jas jauyngerlerdıŋ erlıkke toly ömırı elestep jatty. Şynaiy aitylǧan äŋgımeler eşkımdı de nemqūraily qaldyrǧan joq.
Öz kezegınde jas sarbazdar qonaqtarǧa köptegen sūraqtar qoidy. Qonaqtardyŋ bırde küldıre, keide oilandyra qaitarǧan jauaptaryna jastar riza boldy. Taǧy da kelıp estelıkterımen bölısulerın ötınde.
Öz kezegınde Auǧan soǧysy ardagerlerı jas sarbazdarǧa jaqsy oqyp, barlyq jaǧdaiǧa daiyn boluy üşın talmai jattyǧu jasaulary tiıs ekenın eskertıp jatty.
Jiyn soŋynda sarbazdar qadırlı qonaqtarmen suretke tüsıp, jyly qoştasty.
Basqalarmen bölıse
otyryŋyz
