Almaty qalasy Işkı saiasat basqarmasynyŋ qoldauymen qolǧa alynǧan «Azamattyq boryş» jobasy aiasynda 13 qyrküiek künı Temır jol koldledjınde Auǧan soǧysy ardagerlerımen kezdesu öttı. Şaraǧa ardagerlerden Arǧynbek Esımhanūly, Baidäulet Qūrmanqojaūly, Ädıl Bektasūly qatarly soǧys kuägerlerı qatysty. Ardagerlermen emen-jarqyn äŋgıme qūryp, estelıkter tyŋdaǧan studentter: «Auǧan soǧysynyŋ ardagerlerı, bız sızderdı jaqsy köremız. Sızderge jasymas jıger tıleimın. Soǧys bolmasyn, aman bolyŋyzdar!» - degen aqjarma tılekterın bıldırdı. Sondai-aq, «Keŋes äskerınıŋ Auǧan jerınen şyǧarylǧanyna tabany kürektei 29 jyl ötıptı. Alaida sol soǧystyŋ zardaby eşkımnıŋ jüregınen öşken joq, ol jara jazylmaidy. Qazırgı sätte bızdıŋ jüzımız jarqyn körıngenımen, är ardagerdıŋ jürekterı jylap tūr. Qaza bolǧan maidandas dostaryŋyzdyŋ beinesı eşuaqytta sanadan öşpeitının bılemız. Endıgı bızdıŋ armanymyz, tılegımız keiıngı ūrpaq mūndai qyrǧyndy körmesın, elımız aman, jūrtymyz tynyş bolsyn osyndai mänı zor jüzdesudı ötkızuge ūiytqy bolǧan «Adyrna» bırlestıgıne alǧys bıldıremın» - destı. Al ardagerler bolsa: «Ärine, Auǧan soǧysynyŋ salǧan zardaby, qaiǧysy men qasıretı eşqaşan ūmytylmaq emes. Jyl saiyn aqpanda osylai bas qosyp, äŋgımelesıp, şer tarqatyp alamyz. Sol üşın bärıŋızge rahmet. Qatarymyz siremei aman-esen osylai jolyǧyp jüreiık. Osynda jinalyp, bızdıŋ äŋgımemızge qūlaq asqan jastarǧa, ūiymdastyruşylarǧa alǧys aitamyz» - dep tarqasty.
1979 jyly 25 jeltoqsanda Keŋes Odaǧy «Auǧanstan elıne internasionaldyq körsetemız» degen jeleumen onyŋ qaruly küşterın sol eldegı azamattyq soǧysqa qatystyryp jäne keŋ kölemde äskeri ıs-qimyldar jürgızdı. «Taular alystaǧan saiyn, biıktei tüsedı», degendei, qanşa uaqyt ötse de būl kün maŋyzyn joǧaltqan emes.
Basqalarmen bölıse
otyryŋyz
