Oblysta «Nurly jer» memlekettik baǵdarlamasy boıynsha turǵyn úı salýǵa 7,19 mlrd teńge qarajat bólingen. Bul jaıynda oblystyq qurylys basqarmasynyń bólim basshysy Abzal Jumaǵalıev habarlady.
Qazirgi tańda respýblıka boıynsha turǵyn úı qurylysy erekshe qarqyn alyp keledi. Sonyń esebinen baspana kezeginde turǵan azamattardyń sany kemip, jeke turǵyn úıge ıe bolýda. El azamattary turmysynyń jóndelýi úshin memleket tarapynan jasalǵan qoldaýlar men zamanaýı baǵdarlamalardyń áseri mol. Jyl saıyn jasampaz jobalar arqyly áleýmettik jaǵdaıy tómen, múmkindigi shekteýli jandar birinshi kezekte baspanaǵa ıe bolýy jaǵy qarastyrylǵan.
2021 jyly «Nurly jer» baǵdarlamasy aıasynda Oral jáne Aqsaı qalalarynda kóp qabatty 5 úı jáne aýyldyq jerlerde 51 baspana qurylysy aıaqtalǵan. Iaǵnı «Otbasy bank» AQ salymshylaryna – 476, áleýmettik sanat boıynsha kezekte turǵandarǵa 436 páter berilgen. Úı qurylysyna barlyq qarjylandyrý kózderinen 192,8 mlrd teńge bólingen. Oblystyq qurylys basqarmasynyń bólim basshysy Abzal Jumaǵalıev atap ótkendeı aýmaqta 1993-2020 jyldary qurylys jumysyna jumsalatyn qarajat kólemi 14,6 mln teńgeden 173,1 mlrd teńgege deıin (12 myń ese) ulǵaıypty. – Táýelsizdik jyldary oblysta 5,9 mln sharshy metr turǵynjaı paıdalanýǵa berildi. «Qoljetimdi baspana», «Nurly jol», «Nurly jer» baǵdarlamalary aýqymynda jańa shaǵynaýdandar salyndy.
Baǵdarlama tetikteri arqyly tabys deńgeıi ár túrli azamattardyń baspana satyp alýyna naqty múmkindik paıda boldy. 2010-2020 jyldary úı salýǵa jáne ınjenerlik-kommýnıkaııalyq jelilerdi tartýǵa memlekettik bıýdjetten 109,5 mlrd teńge baǵyttaldy,-dedi oblystyq qurylys basqarmasynyń bólim basshysy Abzal Jumaǵalıev.
