Kezekten tys Prezıdent saılaýyna kandıdattardy usyný erteń bastalady, dep jazady "Adyrna" ulttyq portaly.
«QR-nyń Prezıdenti laýazymyna kandıdattardy usyný saılaý belgilengen kúnniń keıingi kelesi kúninde bastalady. Iaǵnı 2022 jylǵy 23 qyrkúıekte bastalyp, 11 qazan kúni saǵat 18:00-de aıaqtalady», - dedi Ortalyq saılaý komıssııasy tóraǵasynyń orynbasary Konstantın Petrov.
Prezıdenttikke úmitkerlerge qoıylatyn talaptar:
- QR azamaty bolýy;
- QR aýmaǵynda sońǵy 15 jyl boıy turýy;
- Joǵary biliminiń bolýy;
- Jasy 40-qa tolǵan bolýy;
- Belsendi saılaý quqyǵynyń bolýy;
- Memlekettik qyzmette nemese saılanbaly laýazymda keminde 5 jyl jumys tájirıbesiniń bolýy;
- Memlekettik tildi erkin meńgerýi.
Prezıdenttikke úmitker bolý úshin qansha qol jınaý kerek?
OSK Tóraǵasy orynbasarynyń málimdeýinshe, ár kandıdatty qoldaý úshin 118 273 saılaýshynyń qoly jınalýy tıis.
«Prezıdenttikke kandıdattardy qoldaý úshin oblystar, respýblıkalyq mańyzy bar qalalardyń jáne Astananyń kem degende 2/3 atynan teńdeı ókildik etetin saılaýshylar sanynyń kem degende 1 paıyzynyń qolyn jınaý qajet. Qol qoıý paraqtaryn berý kandıdattyń Konstıtýııa men Konstıtýııalyq zańnyń talaptaryna sáıkestigin anyqtaǵannan keıin 5 kúnniń ishinde júrgiziledi», - deıdi Konstantın Petrov.
Onyń aıtýynsha, Prezıdenttikke kandıdattar 3 mln teńge jarna tóleıdi.
«Kandıdattardyń Konstıtýııa men saılaý týraly Konstıtýııalyq zańnyń talaptaryna sáıkestigin anyqtaýdy Ortalyq saılaý komıssııasy respýblıkalyq qoǵamdyq birlestiktiń joǵary organy otyrysynyń kandıdatty usyný týraly hattamany, daýysqa túsýge kelisimi týraly ótinishi jáne kandıdattyń saılaý jarnasyn tólegenin rastaıtyn túbirtekti ótkizgennen keıin 5 kún ishinde júzege asyrady. Jarna mólsheri - 3 mln teńge», - deıdi Petrov.
"Adyrna" ulttyq portaly
