QR Premer-Mınıstri Álıhan Smaıylov Astanada Mashına jasaý jáne metall óńdeý jónindegi ekinshi halyqaralyq mamandandyrylǵan «Kazakhstan Machinery Fair» kórmesi aıasynda ótken Qazaqstan mashına jasaýshylarynyń X forýmynyń plenarlyq otyrysyna qatysty, dep jazady "Adyrna" ulttyq portaly.
Forýmnyń ashylýynda Premer-Mınıstr Álıhan Smaıylov Memleket basshysy Qasym-Jomart Toqaevtyń quttyqtaý sózin oqyp berdi.
«Qurmetti jıynǵa qatysýshylar! Sizderdi Qazaqstan mashına jasaýshylarynyń X forýmynyń ashylýymen quttyqtaımyn! Bul – memleket pen bıznes ókilderin osy salany damytýdyń tyń tásilderin tabýǵa jumyldyratyn bedeldi dıalog alańy.
Elimizde óńdeý ónerkásibine jáne mashına jasaý isine qoldaý kórsetilip, qolaıly jaǵdaı jasalyp otyr. Sonyń nátıjesinde Qazaqstan kompanııalary júk jáne jolaýshylar vagondary, avtokólik, avtobýs, elektrovoz, transformator sııaqty jańa ónimder shyǵarýdy meńgerýde.
Eksportqa baǵyttalǵan óndiristi damytýǵa jáne jergilikti taýar óndirýshilerdi qoldaýǵa arnalǵan baǵdarlama júzege asyryla bastady. «Ónerkásiptik saıasat týraly» zań qabyldanyp, osy salanyń negizi basymdyqtary jáne damý baǵdary aıqyndaldy. Búginde otandyq mashına jasaýshylar óz ónimderin syrtqy naryqqa da shyǵaryp jatqany qýantady. Eksport kólemi qazirdiń ózinde $2 mlrd-qa jetti.
Bul salanyń áleýetin tolyq paıdalaný arqyly elimizdiń ekonomıkasyn órkendetýge, tehnologııasyn damytýǵa jáne áleýmettik ózgerister jasaýǵa jol ashylady dep senemin. Barshańyzǵa tolaǵaı tabys tileımin!», — delingen QR Prezıdentiniń quttyqtaý sózinde.
Óz kezeginde Álıhan Smaıylov otandyq mashına jasaý salasynyń respýblıka ekonomıkasynyń turaqty damýyna eleýli úles qosyp kele jatqanyn aıtyp ótti. Máselen, ındýstrııalandyrý jyldarynda mashına jasaýdaǵy óndiris kólemi 6 esege ósip, 2,3 trln teńgege deıin kóterildi. Salanyń ósimi sońǵy 3 jylda orta eseppen 20%-dy qurap otyr.
«Qazirgi tańda Úkimet otandyq óndirýshilerdi qoldaýǵa baǵyttalǵan jumystardy jalǵastyrýda. Bul – qoljetimdi bastapqy materıaldarmen jáne qarjylandyrýmen qamtamasyz etý, sonymen birge ımportqa táýeldilikti azaıtý, jańa óndiristerdi qurý jáne jumys istep turǵan óndiris oryndaryn jańǵyrtý»,— dedi Álıhan Smaıylov. Sonymen qatar ol Úkimettiń ashyq dıalogqa jáne bıznespen birlesip jumys isteýge daıyn ekenin aıtty.
Plenarlyq otyrys aıasynda Álıhan Smaıylov suraq-jaýap sessııasyna qatysty, onda Úkimet basshysy mashına jasaý ónimderin ımporttaý jáne sheteldik kompanııalardyń Qazaqstanǵa kóshýi týraly óz pikirin bildirdi.
«Bizde búginde eksportqa qaraǵanda ımporttyń úlesi basym. Bul jaǵdaı kerisinshe bolýy kerek. Máseleni sheshý úshin júıeli jáne keshendi sharalar qabyldaý qajet. Mashına jasaý salasyn damytýdyń keshendi jospary baǵdarlamalyq qujatyn ázirleý jáne qabyldaý týraly oılanatyn kez keldi. Sebebi uzaq merzimdi tásilder ǵana osy baǵytta aıtarlyqtaı nátıjelerge qol jetkizýge múmkindik beredi», — dedi Álıhan Smaıylov.
Sonymen qatar Premer-Mınıstr «Kazakhstan Machinery Fair» kórmesiniń ekspozıııasymen tanysty, onda 17 eldiń 240-tan astam kompanııasy óz ónimderi men tehnologııalaryn usyndy. Olar: Qazaqstan, Avstrııa, Belarýs, Germanııa, Danııa, Izraıl, Ispanııa, Italııa, Reseı, Túrkııa, Ózbekstan, Franııa, Chehııa, Shveıarııa, Shveııa, Ońtústik Koreıa jáne Iran.
«Bizdiń elimiz tájirıbesi mol túrik kompanııalarymen mashına jasaý salasyndaǵy birlesken jobalardy iske asyrýǵa múddeli», — dedi Premer-Mınıstr.
"Adyrna" ulttyq portaly
