Türkıstanda dämhana tamaǧyn jegen tūrǧyndar jappai ulanyp qalǧan. Būl turaly Sanitarlyq-epidemiologiialyq baqylau komitetınıŋ baspasöz qyzmetı aitty, dep habarlaidy «Adyrna» tılşısı.
Tamaqtan ulanǧandar Kentau qalasyndaǧy fast-fud äzırleumen ainalysatyn dämhanadan suşi, pissa , tauyq etınen lavaş, chiken jegen.
QR DSM Sanitariialyq-epidemiologiialyq baqylau komitetı adam densaulyǧyna qauıp töndırgen tamaqtanu ornyna qatysty tekseru jürgızu boiynşa şaralar qabyldady.
«Dämhana iesıne QR Äkımşılık qūqyq būzuşylyq turaly kodeksınıŋ 425-babynyŋ 1-tarmaǧyna säikes 230 AEK kölemınde aiyppūl salyndy. Sonymen qatar, atalǧan nysanǧa sanitariialyq-epidemiologiialyq qorytyndy almai jūmys jasaǧany üşın atalǧan Kodekstıŋ 463 baby 1-tarmaǧyna säikes hattama toltyrylyp, ıs-qūjattary sotqa joldandy»,— delıngen habarlamada.
