Amantaı (Amanjol) Saıasatuly Sálimniń negizgi mamandyǵy - aýylsharýashylyǵyna qatysty, naqtyraq aıtsaq, zootexnık. 11 jyl aýyl ákimi qyzmetin atqarǵan. Oqý bitirgennen keıin Amantaı aǵamyz tarıxı jádigerler jınaýmen aınalysa bastaǵan eken. Kóp uzamaı elimizdiń ortalyq mýzeılerine kóptegen qundy jádigerler taýyp tapsyrǵan. Áýelde Amantaı aǵa óńir tarıxyna baılanysty mýzeı ashý bastamasyn kóterip júrgenimen á degende qoldaý bola qoımaıdy. Áıtse de araǵa ýaqyt salyp Batys Qazaqstan oblysynyń Aqjaıyq aýdanynda turatyn aǵamyzdy Jańaqala aýdanynyń ákimi Lavr Rashıduly Haırıdınov ózi shaqyryp, jańa mýzeı jasaqtaýǵa usynys jasaıdy. Bos turǵan ǵımaratty aýdandyq mýzeıge aınaldyrady. Amantaı aǵa aýyl-aýyldy, oı men qyrdy aralap, arxeologııalyq qazbalar da júrgizip, osy iske jan-tánimen berilip sý jańa mýzeıde qundy jádigerlermen toltyrypty. Ejelgi tas dáýirinen bastap 20 ǵasyrǵa deıinge neshe túrli artıfaktiler kózdiń jaýyn alady.
Óz isin jaqsy kóretin, tarıxtyń urpaq tárbıesindegi ornyn tereń túsinetin Amantaı aǵamyzǵa sheksiz rıza boldym.
Jańaqala aýdandyq mýzeıinen KarLagqa barǵandaı áser qaldyratyn jertóleden ekspozıııalyq kórinister kóre alasyz. Qandyqol jendetterdiń jazalaý bólmeleri, olardyń jazalaý qural-saımandary, jazyqsyz japa shekkenderdiń kameralary aına-qatesiz beınelengen. Mýzeı negizin qalaýshy Amantaı Sálim aǵa osynyń bárin óz qolymen jasap, qajetti ekspozıııalardy taýyp, týra sol zamannyń kórinisimen sheber ornalastyra bilgen.
Arman SERIKULY,
Batys Qazaqstan oblysy,
Jańaqala aýdany
