Aqtóbe oblysynyń ákimi Toǵjanov Qobda aýdanynyń áleýmettik-ekonomıkalyq damýymen tanysty

2514
Adyrna.kz Telegram

Aqtóbe oblysynyń ákimi Eraly Luqpanuly Toǵjanov Qobda aýdanynyń áleýmettik-ekonomıkalyq damýymen tanysty, dep habarlaıdy “Adyrna” ulttyq portaly.

Óńir basshysynyń jumys sapary Qobda aýylyndaǵy aýdandyq ortalyq aýrýhana men elevatordy qaraýdan bastaldy. Eki nysan da shtattyq tártipte jumys jasaıdy. Aýrýhana halyq sanyna sáıkes barlyq qajetti jabdyqtarmen jaraqtanǵan. Mundaǵy eki másele – shalǵaı aýyldardaǵy medıınalyq pýnkt pen belgili bir sala mamandarynyń jetispeýshiligi, ıaǵnı kardıolog, okýlıst, onkolog jáne otolarıngolog dárigerleri joqtyń qasy.

Oblys ákimi densaýlyq saqtaý salasyn damytýǵa jiti nazar aýdarylatynyn atap ótti. Medıınalyq mekemeler jelisin keńeıtý men medıına kadrlarynyń tapshylyǵyn joıýdyń júıelik suraqtary kezeń boıynsha sheshiletin bolady.

Aýdan ákimi Bolat Qulov istiń aǵymdaǵy jaǵdaıy jaıynda baıandady. Osy jyldyń segiz aıynyń qorytyndysy boıynsha ónerkásip óndirisi men bólshek saýda kólemi tómendegen. Áleýmettik-ekonomıkalyq damýdyń basqa kórsetkishteri boıynsha oń dınamıka tirkeldi. Osylaısha, negizgi kapıtalǵa 4,7 mlrd. teńgeden asa ınvestıııa tartylyp, 19,4 mlrd. teńgege aýyl sharýashylyǵy ónimi óndirildi. 1,6 myńnan asa jańa jumys oryndary ashyldy.

Begaly aýyldyq okrýgine qarasty Besqudyq aýylynda bıylǵy jazda Qazaqstan dep atalatyn ortalyq kóshesindegi uzyndyǵy 1,5 shaqyrymdyq joldyń jóndeý jumystary aıaqtalyp, sol jerge jaryq qondyryldy jáne jaıaý júrginshiler joly tóselýde.

Óńir basshysy jumysty ýaqytynda tapsyryp, sapanyń standarttarǵa saı kelýin qamtamasyz etip qana qoımaı, jobaǵa óziniń de qarjysyn salǵan «Suńqar Aqtóbe 2005» JShS merdiger mekemesiniń jumysyna joǵary baǵa berdi.

Qobda aýdany da oblystyń ózge aýdandary sekildi 2023 jyly aýyl turǵyndarynyń tabysyn kóteretin «Aýyl amanaty» pılottyq jobasyn júzege asyrýǵa daıyndalyp jatyr. Skrınıngtiń aldyn ala nátıjelerine sáıkes, oǵan aýdannyń 858 turǵyny atsalysady. Besqudyq aýyly jobamen qamtylatyn eldi mekender qataryna endi. Aýylda barlyǵy 962 adam tursa, onyń ishinde 521 adam ekonomıkalyq jaǵynan belsendi turǵyndar qataryna jatady. Olardyń 257-si jumysqa ornalasqan, al 264-i óz-ózin jumyspen qamtyp otyr. Búginde aýyldyń 106 turǵyny mal sharýashylyǵyn damytý, jylyjaı salý, ashyq dalada kókónister men baqsha daqyldaryn ósirý maqsatynda jeńildetilgen nesıe alý úshin «Aýyl amanaty» jobasyna qatysýǵa nıet bildirgen.

Jobanyń aýyldy damytyp, aýyl turǵyndarynyń ál-aýqatyn kóterýdegi mańyzdylyǵyn atap ótken óńir basshysy aýdan men aýyldyq okrýgterdiń ákimderine joba qatysýshylaryna barynsha qoldaý kórsetýdi tapsyrdy.

«Bir kooperatıvte az degende myń adam bolý kerek, bul olarǵa qolaıly sharttarmen tehnıka satyp alýǵa múmkindik beredi. Ónimderdi óńdeýdi jolǵa qoıý kerek. Máselen, shujyq ehyn ashýǵa bolady, shujyq ehy bolǵan jerde mindetti túrde mal soıatyn eh ta bolady. Osylaısha kooperatıv jumysyna kóp adam tartylyp, ekonomıkalyq jaǵynan tıimdi bolady. Sút óńdeýdiń de keleshegi bar. Ákimderdiń mindeti – osy máseleniń bárin baqylaýda ustap, sý kerek bolsa uńǵymany burǵylaýdy uıymdastyrýǵa, artyq ónimdi satýǵa kómektesýleri tıis. Jaqsy jumys isteıtinderdi yntalandyrý kerek. Mysaly, keminde bir gektar qosymsha jer berse»,-deıdi E.Toǵjanov.

Besqudyq aýylynyń turǵyndary oblys ákimimen tildesý múmkindigin jibergen joq. Olardyń ishinde, jas fýtbolıster vorkaýt alańyn ornatýdy surady. Quzyrly organ ókilderine balalardyń armanyn oryndaý tapsyryldy.

Jyl basynan beri Qobda aýdanynda iri qara men usaq mal basy 25 paıyzǵa artqan. Memlekettik qoldaý sharalarynyń arqasynda keler jyly quny 2,2 mıllıard teńgege 1600 bas iri qara malǵa arnalǵan et baǵytyndaǵy reprodýktor men sút-taýarly fermasynyń qurylysy bastalady. Óńir basshysy aýdan basshylyǵyna jobaǵa qoldaý kórsetýdi tapsyrdy.

Sondaı-aq, oblys ákimi "BS Agro" sharýa qojalyǵynyń kúzgi dala jumystarynyń barysymen tanysyp, aýdandaǵy mal ósirýshilermen jáne iri sharýa qojalyqtarynyń basshylarymen kezdesti. Sharýalar qosymsha jer berýdi surady. E.Toǵjanov oblysta paıdalanylmaǵan jáne maqsatsyz paıdalanylǵan aýyl sharýashylyǵy jerlerin qaıtarý boıynsha aýqymdy jumystar atqarylyp jatqanyn aıtty.

Óńir basshysy: «Bul jerler adal eńbek etetin sharýashylyqtarǵa beriledi»,-dep atap ótti.

Ol sondaı-aq, sharýalardy aýyldardy damytýǵa úlesterin qosyp, aýdan turǵyndaryna qoldaý kórsetýge shaqyrdy.

«Aýylda turatyn azamattarǵa kómektesýimiz kerek, jaǵdaı jasaý kerek», - dedi E. Toǵjanov.

Pikirler