Biyl kezekten tys prezident sailauy ötkenın dūrys dep oilaimyn. Memleketımız saiasi reformalar baǧytynda köptegen jaqsy ısterdı bastap jatyr.
Bütın bır eldı, halyqty, auqymdy jüienı basqaryp otyru oŋai ıs emes. Älem elderınde qandai jaǧdai bolyp jatqanyn körıp otyrmyz. Geosaiasi ahual uşyqty, aldaǧy jyldary tıpten kürdelenuı mümkın. Osyny eskersek, prezident sailauyn erterek ötkızudıŋ qajettılıgın ūǧamyz.
Osy künı Memleket basşysy Qasym-Jomart Toqaev şet elderge baryp, elımızdıŋ är salasyn damytudyŋ jolynda kelıssözder jasap, eŋbektenıp jür. Būnyŋ bärı beker atqarylyp jatqan ıs emes. Halyqaralyq jaǧdaidy bıledı, täjıribesı jetkılıktı.
Sondyqtan būl şeşımdı alystan oraǧytyp, tereŋınen oilanyp, zerdelep baryp qabyldaǧany anyq. Osyndai saiasi reformalardy jüielı türde jüzege asyra bersek, Qazaqstannyŋ bolaşaǧy jarqyn bolaryna senım mol. Ärine, halyqtyŋ ışınde kümän bolary anyq.
Öitkenı damudyŋ joly oŋai emes. Qiyn jaǧdai künde kezdesedı. Ony eŋserıp, memlekettıŋ keleşegı üşın bärınen sürınbei ötuımız – paryz. Būl tūsta memleket bilıgınıŋ atqaryp otyrǧan ısterın, saiasi reformalaryn qoldaimyn. Keleşektıŋ qamyn bügınnen oilaǧanymyz abzal.
Sūltanälı BALǦABAEV,
jazuşy-dramaturg
