4 qazan künı Mūhit atyndaǧy jalpy orta bılım beretın mektebınde Qazaqstan Respublikasynyŋ Qoǧamdyq damu ministrlıgı men «Azamattyq bastamalardy qoldau ortalyǧynyŋ» qoldauymen Batys Qazaqstan oblysy boiynşa ıske qosylyp jatqan jastardy äleumettendıru jobasy aiasynda, «Adyrna» ūlttyq-etnografiialyq bırlestıgınıŋ ökılderı jobany jüzege asyru maqsatynda mūǧalımdermen seminar-trening ötkızdı. Seminar-trening jastardyŋ ruhani, äleumettık, ziatkerlık, fizikalyq jäne jeke damuyna jaǧdai jasau baǧytynda jäne ne sabaq oqymaityn, ne jūmys ıstemeitın, ne treningke qatyspaityn, belsendılıgı tömen jastardyŋ qataryn azaitu maqsatynda öttı.
Treningte söz söilegen «Adyrna» ūlttyq-etnografiialyq bırlestıgınıŋ direktory Arman Äubäkır:
– Jastardy äleumettendıru degenımız – şyǧarmaşylyq, sporttyq, äkeri-patriottyq, ziiatkerlık, qoǧamdyq belsendılık, ūlttyq qūnydylyqtardy tanu, öz-özın baǧalau tūrǧysynan jas tolqynnyŋ bolaşaq tūlǧa retınde qalyptasuyna jalpy jaǧdai jasau. Ärbır balanyŋ damuy – eŋ äuelı onyŋ öz-özıne degen senımdılıgın arttyrumen tıkelei bailanysty. Abai atamyz aitady «Jürekte oty joq adamda mi bolmas» dep. Rasynda, jürekte oty bar bala kez kelgen qiyndyqty jeŋıp şyǧady, biık asulardy baǧyndyrady. Sol jürektegı ot ūşqynyn darytatyn – otbasynda ata-ana, mektepte ūstazdar qauymy, — dedı.
Odan soŋ söz alǧan bırlestıktıŋ oblysymyzdaǧy jobalyq menedjerı Nūrlan Sädır jobaǧa 14-17 jas aralyǧynda jastar «Ūlttyq qūndylyq», «Erıktılıkpen äleumettık belsendılık», «Äsekeri patriottyq», «Şyǧarmaşylyq», «Ziiatkerlık», «Sporttyq» syndy alty baǧyt boiynşa baiqauǧa qatysa alatynyn, joba arqyly jastardy motivasiialau jüiesı arqyly äleumettendıru, azamattyq jauapkerşılıgın damytu, barlyq sanattarynyŋ (auyldyq, belsendı emes, marginaldı jäne t. b.) äleumettık inkliuziiasyn qamtamasyz etu syndy mındetterdı jüzege asyru bolyp tabylatynyn aitty. Seminar soŋynda qatysuşylarǧa arnaiy sertifikattar men alǧyshattar tabystaldy.
Raiymbek ABAEV,
Qaratöbe audany
