Batys Qazaqstan oblysy Jaŋaqala audanynda körnektı memleket jäne qoǧam qairatkerı, avtonomiialy Qazaq Respublikasy Ortalyq Atqaru Komitetınıŋ tūŋǧyş töraǧasy, Alaş tūlǧasy Seiıtqali Meŋdeşevtıŋ 140 jyldyǧyna arnalǧan ǧylymi-praktikalyq konferensiia öttı, dep habarlaidy «Adyrna» tılşısı.
Şaraǧa Astanadan prezident keŋesşısı Mälık Otarbaev kelıp, Memleket basşysy Qasym-Jomart Toqaevtyŋ qūttyqtau sözın oqydy.
«Qūrmettı jiynǧa qatysuşylar! Sızderdı Jaŋaqala audanynyŋ qaita qūrylǧanyna 50 jyl jäne osy öŋırdıŋ äigılı perzentı Seiıtqali Meŋdeşevtıŋ tuǧanyna 140 jyl toluymen qūttyqtaimyn. Jaŋaqala audanynan köptegen öner saŋlaqtary men belgılı tūlǧalar tört Keŋes Odaǧynyŋ Batyry, 17 Sosialistık Eŋbek Erı şyqqan. Olardyŋ ışınde körnektı memleket jäne qoǧam qairatkerı Seiıtqali Meŋdeşevtıŋ orny bölek. Onyŋ aǧartuşylyq qyzmetı ūltazattyq köterılıs jäne aşarşylyq kezındegı halqyna janaşyrlyǧy jūrtymyzdyŋ jadynda ärdaiym saqtalady. Seiıtqali Meŋdeşevtıŋ tuǧan elıne sıŋırgen eŋbegı ūşan-teŋız. Halqynyŋ bolaşaǧy üşın aianbai ter tökken osyndai tūlǧalarymyzdy ūlyqtau bügıngı buynnyŋ perzenttık paryzy. Ūlt müddesıne adal qyzmet etken Seiıtqali Meŋdeşev siiaqty ardaq azamattardyŋ esımın este saqtau jastardy otanşyldyqqa tärbieleu tūrǧysynan öte maŋyzdy. Onyŋ ömır joly men qairatkerlıgı ūrpaqqa ülgı önege bola bıledı dep senemın. Barşaŋyzǧa myqty densaulyq, baq-bereke tıleimın»,—delıngen qūttyqtauda.
Audan äkımı Darhan Zakarin, aqyn, Qazaqstan jurnalister jäne jazuşylar odaǧynyŋ müşesı Zakariia Sisenǧali bastaǧan delegasiia Astana, Almaty qalalarynan kelgen qonaqtardy qarsylap, ūlttyq kiım kigen jerlesterımız qonaqtardy ūlttyq aspabymyz dombyramen än salyp, ūlttyq taǧam bauyrsaq pen aq ūsyndy.
Odan ärı Mämen jäne Tūiaqberdı Şämelovtyŋ kesenelerıne toqtap qūran baǧyştady.
Būdan bölek konferensiiaǧa Batys Qazaqstan oblysy äkımınıŋ orynbasary Baqytjan Narymbetov, «Ortalyq memlekettık arhiv» Respublikalyq memlekettık mekemesınıŋ direktory, tarih ǧylymynyŋ kandidaty, QR Jastar odaǧy «Serper» syilyǧynyŋ laureaty Säbit Şıldebai, «Jahanşa Dosmūhamedov» atyndaǧy qoǧamdyq qordyŋ prezidentı, tarih ǧylymynyŋ kandidaty, qauymdastyrylǧan professory, Alaştanuşy, Syrym audanynyŋ qūrmettı azamaty Dämetken Süleimenova, Batys Qazaqstan oblystyq mädeniet, tılderdı damytu, arhiv ısı basqarmasynyŋ basşysy Sairan Düisenov, Mahambet Ötemısov atyndaǧy Batys Qazaqstan universitetınıŋ «Ruhani jaŋǧyru» institutynyŋ direktory, pedagogika ǧylymdarynyŋ doktory, professor, Qazaqstan Pedagogikalyq ǧylymdar akademiiasynyŋ akademigı, Halyqaralyq Mahambet atyndaǧy syilyqtyŋ iegerı, «Mahambet» ädebi, mädeni jäne tanymdyq jurnalynyŋ bas redaktory, Qazaqstan Jurnalister odaǧynyŋ müşesı Abat Qydyrşaev, Jäŋgır han atyndaǧy Batys Qazaqstan agralyq-tehnikalyq universitetınıŋ «Ruhani jaŋǧyru» ortalyǧynyŋ aǧa oqytuşysy, tarih ǧylymdarynyŋ kandidaty – Esqairat Haidarov, aqyn, qoǧam qairatkerı, Qazaqstan jazuşylar jäne jurnalister odaǧynyŋ müşesı Zakariia Sisenǧali qatysty.
